Kórmege oblystyq mýzeılermen kitaphanalar qatysty. Onda Elbasyǵa arnalǵan 150 – den astam kitaptar men 200 – den astam estelik maǵlumattar jıyntyǵy qoıyldy. Kórmeniń negizgi maqsaty - Qazaqstan Respýblıkasynyń Tuńǵysh Prezıdenti – Elbasynyń táýelsiz Qazaqstannyń tarıhı ómirindegi rólin júıeli túrde keńinen kórsetý. «Elbasy jáne Qazaqstan» atty kórme Túrkistan halqynyń qyzyǵýshylyǵyn týdyryp, kópshiliktiń júregin jaýlady. Jalpy alǵanda kórmeni 1500 myńnan astam adam tamashalady. Kórmeniń ashylý saltanatyna «Mádenıet jáne tilderdi damytý basqarmasynyń» bastyǵy Nurdáýlet Erkinuly Isabek sóz sóılep ashty. Kórmede Memleket basshysynyń sheshimderin aıshyqtaıtyn mýzeı jáne arhıv qorynan alynǵan biregeı jádigerler qoıyldy.
Qazaqstan táýelsizdigi men Elbasy ajyramas túsinikter ekeni sózsiz. Elimizdiń bolashaǵy bulyńǵyr bolǵan táýelsizdiktiń eń alǵashqy kúrdeli jyldarynda Nursultan Ábishuly úlken jaýapkershilikti arqalap, Qazaqstandy álemdik deńgeıdegi tanylǵan ári tabysty memleketterdiń qataryna alyp shyqty. Búgin mine, bıik shyńymyzda otyryp, elimizdiń qanshama qıyndyqtardy bastan ótkergendigine kýá bolyp otyrmyz. Elbasymyz saıası kórgendigi men kóshbasshylyq daryndylyǵynyń arqasynda Qazaqstan halqynyń basyn biriktirip, uıyta bildi. Memleket basshysynyń jyl saıynǵy Joldaýy men strategııalyq qujattarynyń, jazbalarynyń basty taqyryby – elimiz ben óskeleń urpaǵymyzdyń bolashaǵy, Qazaqstannyń kórkeıip, gúldenýine arnalady. Barlyq qazaqstandyqtar úshin Nursultan Nazarbaev Otany men onyń múddesine qaltqysyz qyzmet etýdiń jarqyn úlgisi bolyp tabylady.
