IIO jańǵyrtý boıynsha 2019-2021 jyldarǵa arnalǵan Jol kartasyn iske asyrý sheńberinde aǵymdaǵy jyldyń qańtar aıynan bastap polısııanyń barlyq bólimshelerinde azamattardy qabyldaý bólmesi jumysyn bastady. Bul jurtshylyqpen ashyqtyqty jáne tıimdi ózara is-qımyldy qamtamasyz etedi.
Búgin birinshi basshynyń qabyldayna tórt azamat keldi, olar zańnamalyq, qylmystyq isterdi tergeý jáne t.b. suraqtar boıynsha júgindi. Mysaly, erli-zaıypty Dosenkolar uzaq ýaqyt boıy jalǵa beretin kórshi páterge shaǵymdanyp keldi. Aıtýlarynsha, kórshileri mezgilsiz tynyshtyq buzyp, jurttyń berekesin alady. Bul boıynsha talaı shaǵym da túsirgen. Biraq jalǵa beriletin páterde tynyshtyq ornaǵan emes. Polısııa departamentiniń bastyǵy Beket Aımaǵambetov qyzmetkerlerge bul faktilerdi júıeli túrde qarap, shuǵyl sharalar qabyldaýdy tapsyrdy.
Taǵy bir ótinish Larısa Degtıarevanyń shaǵymy boldy. Ol qylmystyq isti tergeý sapasyna shaǵymdandy. Oǵan júrgizilgen tergeý áreketteri jóninde túsinikteme berildi, sonymen qatar, onyń taǵy bir ótinishi qabyldanyp, qylmystyq is materıaldaryna qosyldy.
Polısııa departamentiniń front-keńsesine kún saıyn 20-ǵa jýyq azamat keledi. Olardyń barlyǵy qajetti keńes alyp, máseleleri sheshimin taýyp jatyr. Muny táýelsiz jýrnalıst Arkadıı Denısov ta erekshe atap ótti. Onyń aıtýynsha, front-keńseler azamattardyń óz máselelerin jedel sheshýge múmkindik beredi.
Front-keńsede 11 memlekettik qyzmet kórsetiledi: kóshi-qon qyzmeti jelisi boıynsha (shetel azamattaryn tirkeý, shetel azamattary úshin shaqyrýdy resimdeý, shetel azamattary úshin vızalardy berý jáne uzartý), Ákimshilik polısııa jelisi boıynsha (avtokólikti qaıta jabdyqtaý boıynsha ótinishterdi qabyldaý, azamattyq jáne qyzmettik qarý aınalymy máselesi boıynsha ótinishterdi qabyldaý). Tolyq aqparat alý úshin "Azamattarǵa arnalǵan qabyldaý bóliminde" ár bólimshemen baılanysý úshin jaýapty tulǵalardyń telefon nómirleri kórsetilgen.
Sondaı-aq Qujattamalyq qamtamasyz etý bóliminiń mamandary da jeke jáne zańdy tulǵalardan ótinishter qabyldaıdy.
