Sýretterdi túsirgen: Olga Varenıova
Ashyq esik kúni arqyly stýdentter kásiporyndarda suranysqa ıe bos oryndarǵa nazar aýdarady. Kez kelgen stýdent zaýyttaǵy óndiristik jumys barysyn kórip, mamandarǵa suraqtar qoıa alady.
Jergilikti kásiporyn ókilderi óndiristik qyzmettiń erekshelikterin, Eýrazııalyq Toptyń jetistikteri men josparlaryn tanystyryp, óndiristik alańdarǵa ekskýrsııalyq tanystyrý ótkizdi.
– Ashyq esik kúni stýdentterge óndiristiń barlyq erekshelikterin túsinýge kómektesedi, tańdaǵan mamandyǵyn tereńirek tanýǵa múmkindik beredi, – dedi Eýrazııalyq Toptyń basqarma tóraǵasynyń áleýmettik máseleler jónindegi orynbasary Inna Gýbareva.
Al kásiporyndar, óz kezeginde, óz máselesin sheshedi: is-sharanyń árbir qatysýshysy – kompanııanyń bolashaqtaǵy áleýetti qyzmetkeri, bilikti mamany degen sóz.
Ashyq esik kúni sharasy óndiriste eńbek etkisi keletin, tehnıkalyq mamandyqta oqyp, bilim alyp júrgen jastardy jumysqa shaqyrýǵa kómektesedi.
Ýnıversıtettiń «Elektrotehnıka jáne avtomattandyrý» kafedrasynyń aǵa oqytýshysy Iýlııa Popovestyń sózinshe, kásiporyndarǵa ekskýrsııalar uıymdastyrý–joǵary oqý oryndarynyń túlekterin jumysqa tartýdyń tıimdi joly.
– Bizge kásiporyndardyń ókilderi jıi kelip, óndiristik taqyryptarǵa saı tanystyrylymdar jasaıdy. Al dál osylaı ekskýrsııaǵa shaqyryp, stýdentterdiń óndirispen tanystyrý – ári qyzyqty, ári qajet. Stýdentterge bul óte paıdaly der edim.
- Ashyq esik kúni sharasy barysynda mamandyǵymdy durys tańdaǵanyma kóz jetkizdim. Men «Serpin» baǵdarlamasymen Taraz qalasynan keldim. Mektepte oqyp júrgende Pavlodar alıýmınıı zaýyty jaıly estip-bilgen edim. Endi, mine sol zaýytty kórdim. Alǵan áserim sheksiz. Aldaǵy ýaqytta, tájirıbe jınaqtap bilimimdi shyńdaǵym keledi, – deıdi tústi metallýrgııa kolledjniń stýdenti Arman Tasýl.
Qazir kompanııa kásiporyndary ornalasqan óńirlerdegi ýnıversıtet pen kolledjderde ERG kúnderi ótýde. Maqsat-stýdent jastardy óndiristik tehnıkalyq mamandyqtarǵa tartýǵa baǵyttalǵan.
Sonymen qatar, stýdentter arasynda bıznes-keısterdi sheshý úshin konkýrs bastaldy.
Mamyr aıynda ıntellektýaldyq jarystardyń jeńimpazdary Nur-Sultan qalasynda ótetin ǵylymı-tehnıkalyq konferensııaǵa shaqyrylady.
