Ekonomıka • 15 Mamyr, 2019

«Camuryq–Qazyna» men «Atameken» bıyl otandyq óndirýshilermen 10 offteık-kelisim jasaıdy

714 retkórsetildi

«Samuryq–Qazyna» AQ men «Atameken» ulttyq kásipkerler palatasy otandyq kásipkerlikti birlesip damytý týraly kelisimge qol qoıdy. Qol qoıý rásimine Qordyń basqarma tóraǵasy Ahmetjan Esimov pen «Atameken» UKP prezıdıýmynyń tóraǵasy Tımýr Qulybaev qatysty.

Kelisim-shart óndiristik kásiporyndarǵa Qor kompanııalarymen uzaq-merzimdi kelisim-shart jasaýǵa, bıznestiń damýyn qamtamasyz etip, otandyq óndirýshilerdi qoldaý maqsatymen tıimdi sheshimderdi qabyldaýǵa baǵyttalǵan.

«Otandyq taýar óndirýshilerdi qoldaý – «Samuryq-Qazyna» AQ satyp alý júıesin damytýdaǵy negizgi maqsattardyń biri. Qazaqstandyq taýar óndirýshilerdiń damýynyń arqasynda Qordyń kompanııalary sapaly taýardy tıimdi baǵamen satyp alýda, sonyń arqasynda satyp alýǵa bólingen qarajat aıtarlyqtaı únemdelýde»,- dedi Ahmetjan Esimov.

Kelisim-shart sheńberinde jańa óndiristerdi qoldaýǵa baǵyttalǵan kem degende 10 offteık-kelisim jasaý josparlanǵan. Eki tarap ta óndiristi jańǵyrtýǵa baǵyttalǵan uzaqmerzimdi kelisimder jasaý mehanızminiń tıimdiligine senimdi. Jańa quraldardyń biri – «Atameken» palatasy quratyn «Satyp alýdyń biryńǵaı terezesi». Atalǵan qural bızneske naryqtyń aýqymyn shamalaýǵa múmkindik beredi, satyp alý úrdisiniń jarııalyǵyn arttyryp, táýekelderdi kemitedi. A. Esimov bıylǵy jyly holdıngaralyq satyp alýlardy taǵy 30%-ǵa kemitý josparlanǵanyn atap ótti.

«Kásipkerlerge aıtarym: qazirgi jáne usynylyp otyrǵan qoldaý sharalary adal bızneske arnalǵan. Kásipkerler óz kezeginde jergilikti óndiristi modernızasııalaý jáne sıfrlandyrý boıynsha usynystaryn engizýi kerek. Kelisimde qarastarylǵan bastamalardyń iske asýy otandyq ónerkásipterdiń jańa tehnologııalardy ıgerip, qosymsha quny joǵary taýarlardy óndirip, kórshi naryqtarǵa shyǵýyna jaǵdaı týdyratynyna senimdimin»,- dep atap ótti Tımýr Qulybaev.

Kelisim sheńberinde otandyq bıznesti qoldaýǵa baǵyttalǵan birqatar shara josparlanǵan. Bıylǵy jyly Qor, «Atameken» jáne salalyq qaýymdastyqtardyń qatysýymen ımporttyń ornyn almastyrý maqsatymen «qarapaıym zattar ekonomıkasynyń» (jeńil ónerkásip, jıhaz qurastyrý, azyq-túlik ónerkásibi, qurylys materıaldaryn shyǵarý, mashına qurastyrý) ónimderin arttyrýǵa baǵyttalǵan Joba keńsesi ashylady. Keńse saraptamasyna súıene otyryp, «Atameken» palatasy ımporttyń ornyn almastyrý potensıalyn anyqtap, qazaqstandyq óndirýshilerdi qoldaý jáne damytýdyń naqty strategııasyn qurastyrady. «Atameken» palatasy ındýstrıaldy sertıfıkat engizý sheńberinde otandyq óndirýshiler shyǵaratyn taýarlardyń túgel qamtylýyn qamtamasyz etedi. Atalǵan sertıfıkattary bar óndirýshiler aldyn-ala kvalıfıkasııalyq irikteýden ótkende qosymsha 20% ball alady.  

Bıylǵy jyldyń basynda Qor men «Atameken» UKP «Kabeldik-ótkizgish ónim» jáne «Arnaıy aıaq kıim» kategorııalary boıynsha satyp alý strategııalaryn bekitti. Bul strategııalar boıynsha Qordyń satyp alýlaryndaǵy únemdeý 439 mln teńge bolady dep kútilýde. Sonymen qatar, ekijaqty yntymaqtastyqtyń arqasynda joǵarǵy voltty transformatorlar óndiretin «Azııa-Traffo» zaýyty  buryn Qytaı, Reseı men Ýkraınadan satyp alynǵan qurylǵylardy óndire bastady. Bul jobalar ishki ınvestısııalardy artyryp, 200-den astam jumys ornyn qurýǵa jaǵdaı týǵyzdy.

Eske sala ketsek, buǵan deıin «Qordyń taýar, eńbek jáne qyzmet satyp alý erejelerine» Qor ishindegi satyp alý úlesin azaıtýǵa baǵyttalǵan ózgerister engizilgen. Osylaısha, ashyq tender arqyly satyp alynatyn ónim kólemi 387 mlrd teńgeden shamamen 1 trln teńgege deıin jetti. 2018 jyly Qor ishindegi satyp alýlar barlyq satyp alýlardyń 90%, nemese 3 trln teńgeni quraǵan bolatyn.

2018 jyldyń qorytyndysy boıynsha, satyp alýdaǵy únemdeý 121 mlrd teńgeni qurady. Holdıngaralyq satyp alýlardyń kólemi 4500 taýar pozısııasynan 409 pozısııaǵa deıin qysqardy, ıaǵnı quny 309 mlrd teńge bolatyn satyp alýlar básekeli ortaǵa berildi. Jańa tásil 22 mlrd teńgeni únemdeýge múmkindik berdi. Sonymen qatar, 8000 kásipkerlik sýbekt qosymsha tapsyrys aldy. Bıyl jańa tásilderdiń arqasynda únemdeý kólemin 146 mlrd teńgege deıin jetkizý josparlanyp otyr.

Sońǵy jańalyqtar

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Eń bastysy – úılesimdi jumys isteý

Saıasat • Búgin, 08:00

Judyryqtaı jumylaıyq

Rýhanııat • Búgin, 07:45

Qurylys salasy turalamaýǵa tıis

Úkimet • Búgin, 07:44

Kásipkerler tilegi eskerildi

Bıznes • Búgin, 07:40

«Moskvanyń» máselesi kóp

Aımaqtar • Búgin, 07:36

Zaýaldy birlik jeńedi

Qoǵam • Búgin, 07:35

Uqsas jańalyqtar