Aımaqtar • 16 Mamyr, 2019

Qostanaıda isker áıelder perzenthana aýlasyna gúl ekti

727 ret kórsetildi

Oblystyq isker áıelder qaýymdastyǵynyń músheleri oblystyq perzenthananyń aýlasyna aǵash jáne gúlder kóshetin otyrǵyzdy. Bul aksııa halyqaralyq otbasy kúnine arnap ótkizildi.

О́mirdiń túrli salasynda belsendi qyzmet etip júrgen áıelder aksııalardy jıi ótkizedi. Otbasylyq qundylyqty dáripteý úshin, gúlder men aǵash kóshetin ózderi alyp kelip, ony otyrǵyzý jumystarynyń barlyǵyn atqardy.

«Otbasy – shaǵyn memleket» degen qanatty sóz bar. Bul tegin emes. Otbasy halqymyzdyń eń qymbat qundylyǵy dep sanaımyz. Memlekettiń ózi osy otbasylardan quralady, onyń irgetasy desek bolady. Qazir jastar arasynda ajyrasý kórinisi beleń alyp otyr. Sondyqtan otbasylyq qundylyqty nasıhattaý maqsatynda osy aksııany ótkizýdi jón kórdik. Bul perzenthanada áıelder baqytty sábılerdi dúnıege ákele bersin, baqytty otbasylar qatary kóbeısin degen jaqsy nıetten týǵan bastama boldy», deıdi oblystaǵy isker áıelder qaýymdastyǵy tóraıymynyń orynbasary Balbópe Ertaeva.

Aksııaǵa isker áıelder qaýymdastyǵymen qatar stýdentter de qatysty. Aǵash, gúl otyrǵyzylǵan orynnyń kútimin olar óz mindetine aldy. Jyl saıyn kóktemde osy gúlzarda gúl egetin bolady. Jaqsy bastama jalǵasyn tabady.

Qostanaı

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar