Saılaý • 16 Mamyr, 2019

Baǵdarlamalaryn tanystyryp, kezdesýler ótkizýde

795 retkórsetildi

El óńirlerinde saılaýaldy úgit-nasıhat jumystary jalǵasyp jatyr. Búginde ár aımaqtyń halyq kóp shoǵyrlanǵan tustaryna kandıdattardyń basty ustanymdary kórinis tapqan bılbordtar men plakattar ilinip, túrli aksııalar men fleshmobtar uıymdastyrylýda.

«Aq jol» demokratııalyq partııasy usynǵan kandıdat Danııa Espaevanyń Batys Qazaq­stan aımaqtyq shtaby músheleri oblys ortaly­ǵyndaǵy oqytýshy jáne stýdentter qaýymymen kezdesti. «Zenıt» mádenıet úıinde ótken jıynǵa 500-den asa adam qatysty. Batys Qazaq­stan ınnovasııalyq jáne telekommýnıkasııalar qyz­meti ýnıversıteti men M.О́temisuly atyndaǵy Batys Qazaqstan memlekettik ýnıversıtetiniń ustazdar quramy, belsendi stýdent jastar eli­mizdegi asa mańyzdy saılaý dodasyna qatysyp jatqan partııa úmitkeriniń baǵdarlamasyn den qoıa tyńdady. Kezdesýde taratylǵan úgit-nası­hattyq materıaldar, sahna tórindegi alyp monı­tor­­dan kórsetilgen beınerolıkter qazaq jáne orys tilderinde saıası partııa atynan synǵa tús­­ken úmit­kerdiń saılaýaldy baǵdarlamasyn eg­­jeı-teg­jeıli habardar etti.

«О́ndiristiń ár salasyn, kásipkerliktiń qyr-syryn jetik biletin D.Espaeva óziniń qyzmet baspaldaǵynda tek qana kásibılikti, adaldyq pen shynshyldyqty murat etken. Ol Parlament qabyrǵasynda júrgende de elge paıdaly talaı is atqardy. Meniń oıymsha shańyraqta úılesimdilik ornatý isine er adamnan góri áıel adam beıim keledi. Ol búgingi Qazaqstan qoǵamyn jańasha ózgertýdiń aı­qyn josparyn usynyp otyr», dedi Nur-Sultan qa­la­synan arnaıy kelgen meıman, «Aq jol» partııa­sy tóraǵasynyń orynbasary Dmıtrıı Vasılev.

Belgili alashtanýshy ǵalym, Jahansha Dos­muhameduly atyndaǵy «Qaıratker» qoǵamdyq qorynyń tóraǵasy Dámetken Súleımenova da óz sózinde búgingi «Aq jol» partııasy men tarıhı «Alash» qozǵalysynyń arasyndaǵy baılanys, sabaqtastyq týraly naqty mysaldar keltirip ótti. 

* * *

«Aýyl» halyqtyq-demokratııalyq patrıottyq partııasynan kandıdat Tóleýtaı Rahymbekovtiń Aqmola oblysynda saılaýaldy baǵdarlamasy tanystyryldy. Stepnogor qalasynda ótken jıynda úmitkerdiń monoqalalardy damytýǵa, qala men aýyl arasyn jaqyndatýǵa jáne baspana máselesin sheshýge qatysty bastamalary jan-jaqty talqylandy.

Respýblıkalyq qoǵamdyq shtabynyń tóraǵasy Álı Bektaev bastap barǵan nasıhatshylar tobynyń aıtýynsha, Qazaqstan azyq-túlik qaýipsizdigin qamtamasyz etýge qabiletti agroderjavaǵa aınalýy kerek, al aýyl sharýashylyǵyn qoldaý álemniń jetekshi elderimen teń bolýy tıis.

Aýyldan kóship kelgen turǵyndardyń qıyndyq kórip jatqandyǵy sol qalanyń múmkindigine keıde saı kele bermeıdi. Kóbi turǵyn úısiz, jumyssyz júr, kóbi balasyn balabaqshaǵa berýge qınalady. Sondyqtan qazirgi ýaqytta bizdiń kandıdattyń baǵdarlamasynda kórsetilgendeı, aýyldyń ınfraqurylymyn damytý qajet. Jalpy, elimizdiń aýyl sharýashylyǵy salasynda osy óńirdiń alar orny erekshe. Máselen, Aqkól aýdanynda ǵana myńdaǵan gektar sharýashylyqqa jaramdy jer bar. Endi onyń áleýetin tolyqtaı paıdalanyp, óńdeý ónerkásibine tyń serpin berý kerek», dedi Á.Bektaev.

Serik Balǵazyuly – osy aımaqtaǵy iri sharýa­lardyń biri. Qojalyǵynda júzdegen jylqy men myńnan asa qoı bar. Ereksheligi sol – bul kásipti onyń úsh balasy jalǵastyryp, aıasyn odan ári keńeıtip jatyr. Prezıdenttikten úmitker T.Raqymbekov óz baǵdarlamasynda osyndaı dás­túrli sharýashylyqty qoldaýǵa shaqyrady. Sol arqyly jumyssyzdyqty azaıtyp, jappaı ýrba­nı­za­sııaǵa jol bermeýge bolady deıdi. 


* * *

Kásipodaqtar federasııasy usynǵan kandıdat Amangeldi Taspıhov Soltústik Qazaqstan oblysy Pokrovka aýylynda ótken «Jas kelse – iske!» atty aýyl jastarynyń forýmyna qatysty. J.Qızatov atyndaǵy Esil aýylsharýashylyq kolledjinde bolǵan is-sharaǵa kandıdatpen birge onyń respýblıkalyq qoǵamdyq shtabynyń jetek­shisi, Kásipodaqtar federasııasynyń tóraǵasy Baqytjan Ábdiraıym qatysty.

B.Ábdiraıym forýmdy ashyp, eńbek jastarynyń óńir­lerdiń áleýmettik-ekonomıkalyq damýyna qos­qan úlesin atap ótti. Ol kásipodaqtar óz kan­dı­datyn usynǵanyn, sol arqyly qoǵam men bılik­ke eńbek qaty­nas­taryndaǵy problemalardy jetkizýdi kózdeı­tin­derin málimdedi. Al úmitker A.Taspıhovtyń ózi óńir­lerde jas mamandardyń tapshylyǵy baryn aıtyp, jas eńbekshilerdi oıǵa alǵan bastamalaryn iske asy­ryp, bolashaqqa batyl qadam jasaýǵa shaqyrdy.

Sonymen qatar Atyraýdaǵy aımaqtyq saılaý­aldy shtabynyń ókilderi oblys ortalyǵynan shalǵaı ornalasqan Inder aýdanynda kezdesý ótkizdi. Shtab jetekshisi, oblystyq aýmaqtyq kásipodaqtar birlestiginiń tóraǵasy I.Baımuqanov bastaǵan nasıhatshy top Esbol aýylynda 21,5 shaqyrym jol salyp jatqan qurylysshylarmen kezdesti. Odan soń Jambyl orta mektebine soǵyp, kandıdat A.Taspıhovtyń ómiri men saılaýaldy baǵdarlamasyn keńinen tanystyrdy. Dál osyndaı is-sharaǵa aýdan ortalyǵynyń jáne Jarsýat, Qurylys aýyldarynyń turǵyndary da qatysty. Kezdesýde sóz alǵan top músheleri qoǵamdyq uıym­nyń atqaryp otyrǵan jumysyna keńirek toqtalyp, elimizde bastalǵan saıası naýqannyń ózgeshelikterine jáne saılaýdyń el birligine, qoǵam turaqtylyǵyna oń áser etetinine senim bildirdi.


* * *

Qazaqstan Kommýnıstik halyq partııasynan prezıdenttikke kandıdat retinde tirkelgen Jambyl Ahmetbekov aýyldastarymen kezdesip, aqsaqaldardan bata alý úshin óziniń týǵan jerine at basyn burdy. Kandıdattyń fotosýreti jáne partııanyń jalaýy beınelengen avtokóliktermen attanǵan top Qyzylsaı aýyldyq okrýginiń Shalqar aýylynda jáne Qorǵaljyn aýyldyq okrýginde boldy. J.Ahmetbekov aldymen K.Kúmisbekov atyn­daǵy aýdandyq mádenıet úıinde bolyp, «Qor­ǵaljyn» qoryǵynyń qyzmetkerlerimen jáne aýyl turǵyndarymen kezdesti.

Jıynda J.Ahmetbekov saılaýaldy tuǵyrnama­synyń negizgi baǵyty eńbek adamdarynyń múddesin qorǵaý ekendigin, ekonomıkanyń strategııalyq salalary men elimizdiń tabıǵı baılyǵyn tek qana Qazaqstan azamattarynyń ıgiligi úshin paıdalanýdy qoldaıtynyn atap ótti. Sondaı-aq qatysýshylar aýyl kooperasııasy men aýyl sharýashylyǵy óndirýshilerin qoldaý máselesin talqylady. «Qazirgi tańda kedeılik jumyssyzdyqpen emes, tómen tabysqa baılanysty bolyp tur. Eldegi kedeıliktiń shynaıy deńgeıin qaıta qaraý kerek jáne bul qubylysty ózekti áleýmettik másele dep taný qajet. Biz otandyq taýarǵa, ásirese aýylsharýashylyq ónimderine suranysty arttyrýmen birge kedeılikpen kúresý baǵdarlamasyn qabyldaýdy birneshe ret usyndyq. Onyń júzege asyrylýy úshin jumys isteımiz, bul mindetti túrde ekonomıkanyń naqty sektory men aýyldaǵy kooperasııanyń damýyna mýltıplıkatıvti áser etetin bolady», dep málimdedi kandıdat.

Keıin partııa ókilderi Shalqar aýylyna attanyp, aýyl aqsaqaldarymen kezdesti. Kezdesý barysynda aýyl qarııalary úmitkerge bata berip, aq jol tiledi.

* * *

Nur Otan partııasynan usynylǵan kandıdat Qasym-Jomart Toqaevtyń respýblıkalyq qoǵamdyq shtaby Aqmola óńirinde azamattyq qoǵam ókilderimen kezdesti. Shtab jetekshisi, Nur Otan partııasy Tóraǵasynyń birinshi orynbasary Máýlen Áshimbaev prezıdenttikke kandıdattyń basqarý tájirıbesiniń mol ekendigine toqtalyp, onyń saılaýaldy baǵdarlamasynyń mańyzdy qyrlarynyń biri 2025 jylǵa deıingi Azamattyq qoǵamdy damytýdyń tujyrymdamasyn ázirleýge arnalǵanyn atap ótti. Onda jastar men eriktiler qozǵalysyna erekshe nazar aýdarylady.

Q.Toqaevtyń saılaýaldy baǵdarlamasyn belgili agrarshy Ivan Saýer joǵary baǵalady. «Qazaqstan turǵyndarynyń 42 paıyzy aýylda ómir súredi. Maǵan saılaýaldy baǵdarlamanyń agroóndiris keshenin damytýǵa baılanysty erejeleri qatty unady. Infraqurylymdy, áleýmettik salany, kommýnıkasııany damytýǵa erekshe kóńil bólinip otyr. Sondyqtan da onda óndiris ónimdiligin qalaı kóterý kerek, qandaı kórsetkishter bolýy tıis sııaqty óndiristik sıpattaǵy máseleler kóterilgen», dedi ol.

Sonymen qatar respýblıkalyq shtab músheleri Kókshetaýdaǵy «Kókshetaý mıneraldy sýy» AQ eńbek ujymymen kezdesti. Táýelsizdiktiń qurdasy, 1991 jyly iske qosylǵan kásiporynnyń ujymymen kezdesý barysynda shtab jetekshisi M.Áshimbaev kandıdattyń saılaýaldy baǵdarlamasynyń negizgi erejeleri – eńbekaqyny kóbeıtý men memlekettiń áleýmettik saıasatyn kúsheıtý týraly ekenin aıtyp, kókshetaýlyqtardyń jáne Aqmola oblysynyń barlyq turǵyndarynyń damý men órleý baǵytyn qoldaıtynyna senim bildirdi.

* * *

«Ult taǵdyry» ulttyq-patrıottyq qozǵalysy­nyń atynan prezıdenttikke kandıdat retinde usy­nyl­ǵan Ámirjan Qosanov úgit-nasıhat jumystary aıasynda keshe Qaraǵandy qalasyndaǵy «Dostar-Álem» qonaqúı kesheninde turǵyndarmen kezdesti. Kezdesý barysynda kandıdat óziniń alty taraýdan turatyn baǵdarlamasymen tanystyryp, 9 maýsymǵa deıingi qysqa ýaqyt aralyǵynda atqarylýǵa tıisti is-sharalar jospary týraly aıtyp berdi.

Á.Qosanov saılaýaldy naýqan kezinde «bas jaryp, kóz shyǵaratyn» iritki áreketterden irgesin aýlaq salyp, ustamdylyqty negizge alǵan syndarly saıasat júrgizetinin málimdedi. Saıasatker bul saılaýda óziniń artynda turǵan eshqandaı saıası partııanyń, qoǵamdyq kúshterdiń, qaltaly alpaýyttardyń joqtyǵyn aıta kelip, bar senimi men úmitin qara­paıym halyqqa artatynyn atap ótti. «Eger men prezıdent bolyp saılana qalsam, elimizdiń eń ma­ńyzdy degen birqatar zańdaryna demokratııalyq ózge­ris­ter engizer edim» degen kandıdat elimizdegi saıası júıeniń parlamenttik-prezıdenttik basqarýǵa kóshkenin qalaıtynyn jetkizdi.

Munyń aldynda, dál sol kúni senim bildirilgen adamdarymen birge Buqar Jyraý aýdanyndaǵy Úshtóbe aýylynda ornalasqan K.Marks atyn­daǵy qus fabrıkasyna bardy. Qatysýshylar kandıdat­tyń saılaýaldy tuǵyrnamasynyń negizgi baǵyt­taryn talqylap, halyqtyń áleýmettik ál-aýqaty týraly tarmaqtardy atap ótti, sondaı-aq óz usynys­taryn jasady. Á.Qosanov olarǵa egjeı-tegjeıli jaýap bergennen keıin kandıdat kezdesýge qatysqan qaraǵandylyqtardy 9 maýsym kúni saılaý ýchaskelerine kelip, daýys berýge shaqyrdy.


* * *

«Uly dala qyrandary» respýblıkalyq qozǵalysynan prezıdenttikke kandıdat Sádibek Túgel saılaýaldy úgit-nasıhat jumystarynyń aıasynda Shýche qalasynda «Ulaǵatty urpaq – ulttyq ustanym» atty shyǵarmashylyq keshin ótkizdi. Aldaǵy mádenıet pen óner kúnine oraı uıymdastyrylǵan kesh kandıdattyń saılaýaldy tuǵyrnamasynda kórsetilgen urpaq tárbıesi týraly bóliminiń mazmunyn asha tústi. Jınalǵan qaýym is-shara barysynda arnaıy beınerolık tamashalap, týyndylarynan oqylǵan úzindilerdi tyńdap, S.Túgeldiń shyǵarmashylyǵymen keńinen tanysty. Sondaı-aq tanymal jýrnalıst, jazýshy, qoǵam qaıratkeri, «Halyq súıiktisi-2017» ulttyq syılyǵynyń ıegeri S.Túgeldiń kitaptary men fotolary kórmege qoıylyp, saılaýshylardyń nazaryna usynyldy. Oǵan qosa ulttyq dástúrdi ulyqtaý maqsatynda qolóner kórmesi de ótti.

S.Túgeldiń senim bildirilgen adamdary osy óńirde, Kókshetaý qalasynda Aqmola oblysy etnomádenı birlestikteri ókilderimen kezdesti. Ortalyq shtabtyń baspasóz qyzmeti jetekshisi Baqyt Muhamedrahımova men Kókshetaý qalasy boıynsha «Uly dala qyrandary» RQB tóraǵasy Qumarǵalı Jaıymov kandıdattyń ómir joly týraly áńgimelep, onyń ishinde Qulager eskertkishin ornatýǵa qosqan súbeli úlesin erekshe atap, sońynan saılaýaldy tuǵyrnamany tanystyrdy.

Jıynda «Group-kompanııa» JShS prezıdenti, Qazaqstan At sporty odaǵynyń vıse-prezıdenti, QHA múshesi, Mustafa Mustafaev «Ol – qazaq hal­qynyń ultjandy azamaty, rýhanı qundylyqtardy  ulyqtaýshy, memlekettik tildiń mártebesin kóterýge atsalysyp júrgen tulǵanyń biri. Men ony 30 jyldan asa dos retinde jaqsy bilemin, birlese qyzmet atqaryp kelemiz. Ony Uly dala uǵymyn eń alǵash engizgen, sol ataýmen qoǵamdyq qozǵalys qurǵan, óskeleń urpaq úshin ónege bolarlyq tulǵa retinde qurmetteımin», dep izgi lebizin jetkizdi.


Daıyndaǵandar

Qaırat ÁBILDA,

Qazbek QUTTYMURATULY,

Baıqal BAIÁDIL,

Orynbek О́TEMURAT,

«Egemen Qazaqstan»

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar