Aımaqtar • 16 Mamyr, 2019

Bıik ári tuńǵıyq aspan

841 retkórsetildi
Ushaq qonýǵa bet aldy. On myń metr bıiktikten birte-birte tómendep, Almatyǵa jaqyndaǵanda qalanyń ústin qoıý tútin sekildi qarasur bult torlap turǵanyn kórdik.
Apyr-aı, qazir jerdegi adamdar jyly kıinip, qolshatyrlaryn tóbesine kóterip, kúzdiń salqyn jańbyrynan búrisip, buıyǵyp bara jatyr-aý degen oı keledi basymyzǵa. 
Al munda, shyrqaý bıikte kún jarqyrap tur. Tup-tunyq, tuńǵıyq keńistikke tańǵa­jaıyp bir qudirettiń kúshimen ilinip qalǵan sııaqtymyz. Qandaı qyzyq...

Azdan soń ana-a-aý Jerdegi eki aıaqty, jumyr basty pendelerge qosylyp, qolshatyr kóterip, úıge qaraı asyǵatynymyzǵa dál qazir kóńilimiz sengenimen, kózimiz sene almaıtyndaı...

Iá, Jerge túskende bar ǵoı, qarasur bulttar­dyń ar jaǵynda Kún jarqyrap, aspan móldirep turǵanyn, jańa ǵana ózimiz­diń sol jaqtan, tú-ý sonaý bıikten ushyp kelgenimizdi oılap, eriksiz basymyzdy shaı­qap, tańǵalatynymyzdy da aqylmen emes, ishki bir jumbaq túısikpen sezetindeımiz.

Nesin aıtasyz, Kún kózin búrkegen bulttar kóńilge kirbiń salyp-aq tur. Iá, aıtpaqshy... kirbiń demekshi, keıde bizdiń jan dúnıemizdiń aspanyn da muń torlap, qaıǵy basatyn kúnder bolady emes pe? Sol kezde mynaý ıllıýmınatorǵa tyrs-tyrs tamǵan jańbyr tamshylary sekildi móp-móldir, tap-taza kóz jasymyzdy tógip, sher tarqatyp, jeńildep alǵan soń, kún jarqyrap qaıta týǵandaı bolmaýshy ma edi.

Sonda deımin-aý, bizdiń ishki álemimizdegi aspannyń da sonshalyqty bıik ári tuńǵıyq ekendigin sezbeýshi me edik?!.

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar