Úkimet • 16 Mamyr, 2019

Asqar Mamın Nokia Dırektorlar keńesiniń tóraǵasy Rısto Sıılasmaamen kezdesý ótkizdi

1250 retkórsetildi

XII Astana ekonomıkalyq forýmy alańynda Premer-Mınıstr Asqar Mamın Nokia korporasııasynyń Dırektorlar keńesiniń tóraǵasy Rısto Sıılasmaamen kezdesti. Bul týraly Premer-Mınıstrdiń baspasóz qyzmeti habarlady.

Kezdesý barysynda sıfrlandyrýdy damytýdyń qazirgi betalystary talqylanyp, «Sıfrlyq Qazaqstan» memlekettik baǵdarlamasy aıasynda birlesken jobalardy iske asyrý prespektıvalary qaraldy. Taraptar telekommýnıkasııalyq naryqty damytý salasyndaǵy ózara tıimdi yntymaqtastyqty arttyrýǵa erekshe kóńil bóldi. Talqylaý taqyryby ınfraqurylymdyq servıster men bıznestiń jańa múmkindikterin qurý úshin úlken derekterdi taldaýmen jáne zattar ınternetimen «besinshi býyn» baılanys jelisin damytý boldy.

Úkimet basshysy A. Mamın telekommýnıkasııalar naryǵyn keńeıtip, 5G tehnologııalaryn engizý kózdelip otyrǵanyn jetkizdi, osy maqsatta Qazaqstannyń birqatar qalalarynda pılottyq joba iske qosyla bastady. Búginde «besinshi býyn» baılanys jelisi Nur-Sultan, Almaty, Shymkent qalalarynda jáne Aqmola, Almaty oblystarynda testileýden ótkizilýde.

Kezdesý qorytyndysy boıynsha «Qazaqtelekom» AQ Nokia-men birlesip ázirlegen 5G tehnologııalarynyń múmkindikteriniń tanystyrylymy ótti. Premer-Mınıstr Asqar Mamın jabdyq pen jeli jumysynyń sapaly kórsetkishterin tekserdi. Jańa jelini engizý derekterdi taratý jyldamdyǵyn aıtarlyqtaı arttyrady, bul zııatkerlik kólik júıelerin damytýǵa, iri óndiristik kompanııalarda, logıstıkada jáne t.b. salalarda ónerkásiptik robottardy paıdalaný múmkindigin keńeıtýge jol ashady.

Stend — Qazaqstandaǵy 5G tehnologııasynyń alǵashqy ımplementasııasy. Jalpy, Forým qatysýshylaryna jańa býyn tehnologııalaryn synap kórip, mobıldi baılanystyń besinshi býynyn qoldanýdyń praktıkalyq múmkindikterin, sonyń ishinde baılanystyń joǵary jyldamdyǵyn, asa tómen jelilik irkilisterdi,  jaýap qatýdyń joǵarǵy dáldigimen nysandy qashyqtan basqarýdy jáne t.b. baǵalaý múmkindigi berildi.

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar