Oblys boıynsha 1 oblystyq, 8 aýmaqtyq saılaý komıssııalary jáne 366 ýchaskelik saılaý komıssııasy jumys atqarady. Qazirgi tańda barlyq deńgeıdegi saılaý komıssııalary elektorattyq oqytýdan ótkizilýde. Barlyǵy 29 toptan quralǵan 793 saılaý komıssııasynyń músheleri oqytylyp jatyr.
«Oblys boıynsha búginde bılbordtar men plakattar úshin 238 oryn jáne saılaýshylarmen kezdesýler uıymdastyrý úshin 170 úı-jaı belgilengen, kandıdattarǵa úgit júrgizý úshin tolyq jaǵdaı jasalǵan», dedi oblystyq saılaý komıssııasynyń tóraǵasy Abaıbek Júnisov.
Qazaqstan Prezıdenttigine kandıdattardyń oblys boıynsha 1597 senimdi ókili tirkelip, kýálikteri tabystaldy. Kandıdattardy qoldaýǵa baılanysty oblys aýmaǵynda 7 qoǵamdyq shtab qurylǵan. Shtab ókilderi saılaý komıssııalarymen ózara kedergisiz baılanysady jáne keńes alady.
Saılaýǵa qatysyp, daýys berýmen ǵana is bitpeıdi. Senim bildirgen adamdardyń zań sheńberinen shyǵyp ketpeýi, daýys berý barysynda eskeretin máseleleri jetkilikti. Kezdesýde oblystyq saılaý komıssııasynyń hatshysy Aıagóz Syrlybaeva úgit-nasıhat jumystarynyń tártibi jáne jalpy sharttary týraly jan-jaqty aıtyp berdi.
