SÝ TASQYNYNYŃ ALDYN ALÝ QAJET

Keshe Úkimet basshysy Kárim Másimovtiń tapsyrmasymen Pre­mer-Mınıstrdiń birinshi oryn­ba­sary О́mirzaq Shókeev oblystardyń, Astana jáne Almaty qalalarynyń ákimderimen selektorlyq keńes ótkizdi, dep habarlady Premer-Mınıstrdiń baspasóz qyzmeti. Onda eldiń ózen-kólderi men sý sharýashylyǵy nysandaryndaǵy tasqyn sýlardyń ótý qaýipsizdigin qamtamasyz etý máselesi talqy­lan­dy. Talqylaý qorytyndysynda oblys ákimderine TJM-niń aýmaq­tyq bólimderimen, AShM-nyń sý resýrstary jónindegi komıtetimen jáne IIM-men birlesip sý qoıma­la­ry men ózen-kólderdiń tehnı­ka­lyq jaǵdaılaryn muqııat tekserý, jón­deý-qalpyna keltirý jumys­ta­ryn júrgizýdiń qajetti kólemi boı­yn­sha aqaýlyq aktiler jasaý, qa­jet­ti materıaldyq-tehnıkalyq shy­ǵyndar kólemi men qarjy­lan­dy­rý kózderin anyqtaý, apat qaýpi bar ýchaskelerde kezekshilik uıymdastyrý, sý qoı­malary men sý sharýashylyǵy ǵı­ma­rattarynda paıdalaný ereje­leri­niń saqtalýyn qadaǵalaý men derbes jaýapker­shilikti kúsheıtý jóninde tapsyr­malar berildi.