KО́RSETILER KО́MEK KEShIKPEÝI TIIS

Keshe Premer-Mınıstr Kárim Másimovtiń tóraǵalyǵymen Úkimet otyrysy bolyp ótti. Onda Úkimet basshysy Almaty oblysyndaǵy sý tas­qynynan zardap shekken aýyldarǵa arnalyp ashylǵan qorǵa jedel túr­de oblys ákimderine  50 mln. teńgeden, al ulttyq kompanııalar ese­bi­nen jalpy somasy 500 mln. teńge aýdarýdy  tapsyrdy. Sondaı-aq oty­rysta Úkimettegi kadrlyq oryn aýysýlar jóninde habarlanyp, eli­miz­diń bilim salasynda jetken jetistikteri jaıynda baıandama tyńdaldy. Úkimet otyrysy barysynda Almaty oblysyna Úkimet tarapy­nan bólingen  474 mln. 600 myń teń­ge tolyq aýdarylyp, qalǵan qa­ra­jat endi aýdarylatyndyǵy bel­gi­li boldy. Esterińizde bolsa, dúı­senbide K.Másimov Úkimet qory­nan 599 mln. 838 myń teńge kó­le­min­de qara­jat bólýdi tapsyrǵan bola­tyn. Onyń ishinde 499 mln. 838 myń teńge Qyzylaǵash jáne Eginsý aýyl­dary­nyń turǵyndaryna mate­rıal­dyq kó­mek retinde, sý qubyr­la­ryn jóndeýge jáne úılerdi jón­deý­ge berilse, 100 mln. teńge jańa úı­ler salýǵa bólinetin bolady. “Men tań­erteń oblys ákimderimen sóıles­tim. Dál búgin alǵashqy kómek retinde aqsha jınap, jınaqtalǵan somany erteńge qaldyrmaı zardap shekken aýyl­darǵa aýdaratyn bo­ly­ńyzdar”, degen Premer-Mınıstr bul jumys­ty “Samuryq-Qazyna” UÁQ” AQ bas­qarma tóraǵasy Qaı­rat Kelim­be­tov­ke tez arada qolǵa alýdy tapsyrdy. Qurylys jáne turǵyn úı-kom­mýnaldyq sharýashylyq isteri agent­tiginiń tóraǵasy Serik Nokın Qyzylaǵash eldi mekeni 228 gektar aýmaqta ornalasqandyǵyn, ondaǵy 470 páterde 2 myń 240 adam tura­tyn­dyǵyn atap aıtty. Abaı kóshe­sindegi eki páterli, paneldi 6 úıdi kúrdeli jóndeýden ótkizý kerek, bul 12 páter seısmıkalyq jaǵ­daıǵa jaramsyz kúıde. 13 turǵyn úı naqty tekseristen ótkizilýge ja­tady. Qalǵan 467 úı tolyqtaı buzylatyn bolady. Al 8 qoǵamdyq ǵımaratqa kúrdeli jóndeý jasa­ly­nýy kerek, dedi ol. S. Nokınniń aıtýynsha, búginde bul jumystarǵa  qurylys jobasymen aınalysatyn 47 uıym tartylǵan, sondaı-aq bú­gingi kúni aýmaqty tazartý jumys­ta­ry júrgizilýde. Agenttik tóraǵa­sy­nyń habarlaǵanyndaı, Almaty obly­syndaǵy 3 eldi meken, Eginsý, Aqtoǵaı jáne Alajıde stansasyn­da sýǵa ketken úıler bar kórinedi. Eginsýda – 111, Aqtoǵaıda – 102, Alajıdede 77 turǵyn úı sý basqan jaǵ­daıda tur, olardyń 31-i buzylǵan. Tótenshe jaǵdaılar mınıstri Vladımır Bojko óz kezeginde jyly jaýyndar jáne tempera­týra­nyń kóterilýi barlyq  sý qoıma­laryn­daǵy jaǵdaıdy apatty kúıge túsirýde ekendigin aıtty. Onyń aı­týynsha, qazir Shyǵys Qazaqstan­daǵy jaǵdaı da qaýip týdyrýda. Keıbir aımaqtarda 6 jyldyq jaýyn-shashyn normasy túsýinen ózenderdegi sý 1 metrden joǵary qatyp qalǵan. Sondyqtan jaǵa­laýdy bekitýmen, qardy taza­laý, sondaı-aq joldaǵy jaǵdaı­larǵa baılanysty jumystar júr­gizilmek. Premer-Mınıstr Kárim Má­simov kún jylynýyna baılanysty jańa turǵyn úıler salýdy jyl­dam­datýdy tapsyrdy. Ákimdik­ter­men habarlasyp, qurylysshy­lar­dyń jetkilikti ekendigin, se­ment­tiń jetispeı jatqandyǵyn aıtty. Sondaı-aq qaýip tóndiretin bóget­terge qaraýyldar qoıylýyn nyq­tap tapsyrdy. Al Qurylys jáne turǵyn úı-kommýnaldyq sharýa­shy­lyq isteri agenttiginiń tóraǵasy Serik Nokın sý tasqyny shaıyp ketken úılerdi qaıtadan turǵyzý jumystaryn jazǵy ýaqyt ishinde tolyq bitirýge ýáde berdi. Úkimet otyrysy sońynda Ult­tyq qor qarjysyn qalyptastyrý jáne ony paıdalaný tujyrym­da­ma­sy men Qazaqstannyń Bolon úderisine qosylýy talqylandy. Bul týraly Ekonomıkalyq damý jáne saýda mınıstri Janar Aıt­janova men  Bilim jáne ǵylym mı­nıstri Janseıit Túımebaev ta­nystyrdy. Elimizdiń Eýropa joǵa­ry bilim keńistigine 46 eldiń bir aýyzdan kelisimimen 47-shi el bo­lyp engendigin atap aıtqan J.Túı­mebaev endigi jerde el mamandary Eýropada da moıyndalatynyn jet­kizdi. Venera TÚGELBAI.