BО́PE QAI TILDI TÚSINEDI?
Aıhan, Aıman ekeýi,
Úıdiń tətti shekeri.
Analary ul súıip,
Boldy taǵy bópeli.
Tórt jastaǵy Aıhanǵa,
Úsh jastaǵy Aımanǵa.
Jańa qyzyq tabyldy,
Tóbelespeı oınaýǵa.
– Bolǵanmen kóp oı túrli,
Bilmedik ne aıtýdy.
Sóılessek dep ek bópemmen,
Túsinedi qaı tildi?
– dedi Aıhan tomsaryp,
Aıman da tur tamsanyp.
Jaýap berdi anasy:
– Qıyn emes sonshalyq.
Tek qazaqsha tilde bir,
Sóıleý kerek kúnbe-kún.
Aǵylshynsha, oryssha
Qospaý kerek birde bir.
– dedi anasy bek senip,
Kórmek endi tekserip.
Balalardyń úsh tilde,
Shatasqanyn eskerip.
Osy boldy sheshimi,
Osy boldy kesimi.
Tilin buzǵan balanyń,
Telefonnyń kesiri.
Qol qulynshaq azyraq,
Telefonnan ajyrap.
Tek qazaqsha sóıleýdi,
Bastap ketti qazir-aq.
MENIŃ KО́LIKTERIM
Aǵamda bar bir kólik,
Əkemde bar bir kólik.
Kóligim kóp,
Júremin
Bərin aıdap úlgerip.
Samokatka sol sətten,
Aıaq basyp alsaq teń.
Tejegishti, gazdy da,
Basqaramyn saýsaqpen.
Gıroskýter joq tekke,
Tepkizbeıdi mektepke.
Jumsasa tez jetemin,
Dúkenge de, aptekke.
Velosıped – serigim,
Eń senimdi kóligim.
Kóliktermen osyndaı,
Əıbat meniń ómirim.
Bir ókinish biraq ta:
Ilip alǵyn qulaqqa.
Gıroskýter, samokat,
Jatar keıde qulap qap.
Sóıtsem olar tokpenen
Júredi eken, əttegen.
Velosıpedten asqan,
Myqty kólik joq degen.
AIQANATTYŃ JAÝABY
– Esimiń kim, áı, qaraq?
– Atym meniń – Aıqanat.
– Aıda qanat bola ma?
– Bylaısha ǵoı, ol, aǵa,
Qanatsyz aı, túsindir,
Kókte qalaı ushyp júr?!
«P» ÁRPI BAR SО́Z
Tur muǵalim «kúshinde»,
Suraq qoıar kez keldi:
– Aıtyńdarshy, ishinde,
«P» árpi bar sózderdi.
Qasym birden turdy ushyp,
Ekpindiler, bizdi attaı.
Sol jaq kózin bir qysyp,
«Qazan», – dedi miz baqpaı.
– Qaı jerinde «P»-sy bar?
– dep suraýy sol edi.
Jóni joq-aý qysylar,
«Qaqpaǵynda» degeni.
«UIаT-AI»
Urtynda tur qurt mine,
Iship otyr sútti de.
Baýyrsaqqa qol sozdy,
Qysylmaıdy tipti de.
Aırannan da bir jurtty,
Qazyny da qylǵytty.
Bir ýysyn kámpıttiń,
Qaltasyna súńgitti.
Oınaı almaı sekirip,
Júre de almaı ne turyp.
Kótere almaı qarynyn,
Jatyr endi kekirip.
«ÚLKEN ÚI» DEGEN QANDAI ÚI?
– Sharshatpaı ma sizdi keıde,
Toıdyń jaman ótpegeni.
Týysqandar bizdiń úıge,
«Úlken úı» dep kóp keledi.
Qonaq kelse jıi keshte,
Sabylasyz jópeldemde.
Eki qabat úı emes pe,
Satybaldy kókemderde?
Ashylmaı ma kilt ondaǵy,
Jaratpaıdy iske nege.
Eki bólme úlken-daǵy,
Qos qabat úı kishkene me?!
– dep Beıbarys anasyna,
Jaýdyryp tur suraqtaryn.
Quıǵysy kep sanasyna,
Bilgisi kep bir-aq bárin.
«– Jol bermeseń talasýǵa,
Berekeni molaıtady.
Atań-əjeń bəri osynda,
«Úlken úı» dep sony aıtady»
Bılep boıda jańa qaırat,
Júreginde izgi kúı bop.
Beıbarys tur alaqaılap,
«Eń úlken úı – bizdiń úı» dep.
MINSIZ MINEZDER MEN QISYQ QYŃYRLAR
(uıqasyn tap)
Sóz aıtar batymdy,
Aıbarshyn ............. .
Kúlmeıdi biraýyq,
Janasyl ............ .
Kóp biler óleńdi,
О́mirbaı ............. .
Jumsasa kóńilshek,
Eskendir ................ .
О́shirdi útikti,
Ulaǵat ........ .
Kóp aıtar artyq sóz,
Təýirbek ................... .
BIZDIŃ JUMYSTA
Kabınette júr Aıly,
Anasyna erip kep.
О́leń, sóılem quraıdy,
Ápkelerge eliktep.
Oqyp qoıdy sabaǵyn,
Kelipti ózi shyrshadan.
– Sabaq – deıdi, – jańa kún,
Senip-aq júr bul soǵan.
Demalysqa shyqqanyn,
Bildirmepti anasy.
Umytar dep uqqanyn,
Aıtpaǵan-aý, shamasy.
Ermeksazyn ılep kep,
Aǵa-apaıdy qaratty.
«Menen búgin syı kóp» dep,
«Jemis-jıdek» taratty.
Taratqandaı aılyǵyn,
Sharýasy kelisti.
Jemisin jep Aılynyń,
Boldy jumys jemisti.
Taqpaqty da jattaıtyn,
Jasap júrer bir isti.
Aıly – tynym tappaıtyn,
Bizdiń eń jas jumysshy.
