Jalpy, aýdan boıynsha 12 aýyldyq aýmaqty quraıtyn 27 aýylda 12 420 adam qalypty. О́ńirde halyq sany kóbeımeı turǵan bul aýdanda qazir týý kórsetkishi de tómendep ketken.
Al nekege turýshylarǵa qaraǵanda ajyrasqandardyń sany azaımaı tur.
Sondyqtan, Ázilhan Ábeýov basqaratyn aýdan ákimdigine aldaǵy ýaqytta aýdannyń demografııalyq ahýalyna kóńil bólý kerektigi tapsyryldy.
Sonymen qatar bıylǵy jyldyń 4 aıynyń kórsetkishi boıynsha ınvestısııa tartý jumysy 30 paıyzǵa, qurylys salasy 51 paıyzǵa tómendegen.
Elimizdegi «Aýyl – el besigi» baǵdarlamasy arqyly halqy az qalǵan shaǵyn aýyldardyń jaǵdaıyn jasap, máselesin jaqsartyp alýǵa bolady.
Jergilikti kásipkerler aýylǵa bet bursa, bastama jolǵa túsedi.
- Al aýyldaǵy basty problema – turǵyndardyń memlekettik baǵdarlamalardy paıdalana almaýynda. Memlekettiń jeke kásipkerlerdi qoldaý maqsatynda berip jatqan kómegin halyqqa jetkizý kerek. Ol úshin barlyq aýyl ákimderin osy bıznes baǵytyndaǵy trenıngterge jiberip, basqa óńirlermen tájirıbe almasýlary qajet, - dedi Bolat Baqaýov.
Árıne, qazir aýyl turǵyndarynyń qalalarǵa kóshýin, ýrbanızasııa prosesin tejeý múmkin emes.
Al halyq aýylda turaqty qalý úshin, jumys oryndaryn ashyp, ınfraqurylymdy damytyp, aýyl sharýashylyǵy ónimderin óńdeýge de kóńil bólinse ǵana nátıjeli bolady.
