ASTANADA TAǴY DA BOKS AIQASY

Astana tórinde Boks federasııa­sy­nyń uıymdastyrýymen Qazaqstan, Ázirbaıjan, Ýkraına men О́zbekstan bylǵary qolǵap sheberleriniń qa­ty­sýy­men halyqaralyq týrnır bastaldy. Osyǵan oraı biz sporttyń osy tú­rinen memlekettik jat­tyq­ty­rý­shysy Bolat Abdrahmanovpen kezdesip, odan atalǵan týrnır men aldaǵy ja­rystar, jalpy bokstyń qazirgi damý deńgeıi jónindegi pikirin bilgen edik. –  Qazirgi kezde de elimiz bo­ıynsha bokstyń bedelin kótere túsý úshin úlken jumystar qolǵa alynyp otyr dep aıta alamyn, – dedi ol. – Qa­zaqstan Boks federasııasyna pre­zıdent bolyp Tımýr Asqaruly Qu­ly­baev kelgeli beri elimizdiń barlyq óńir­lerinde boksty damytýdyń jańa jobalary iske qosyla bastady. My­saly, bıylǵy jyldyń qyrkúıek aı­yna deıin barlyq oblystarda “Boks saraıy” salynatyn bolady. Bul al­dymen balalar men jastardyń ara­synan talantty boksshylardy iriktep alýǵa múmkindik berse, ekinshi ja­ǵynan boksty buqaralyq sport deń­geıine kóterýge yqpal etetin bolady. Federasııanyń taǵy bir myqtap qolǵa alǵan jumysy: qazir ulttyq qu­ramany jasartý kezeńi júrip jatyr, ıaǵnı talantty jastar negizgi ko­man­daǵa shaqyrylyp, olardy iri ha­lyq­aralyq jarystarǵa qatystyrý bas­taldy. Burynǵy tájirıbeli boks­shylardan tek Sápıev qana quramada júr. Basqasynyń bári jap-jas, biraq keleshegi bar jigitter. Quramaǵa jaqynda qosylǵan bes boksshymyz osy kúnderi Chehııada ótip jatqan halyqaralyq jarysta júr. –             Osy jerde keshe bastalǵan týr­nır men aldaǵy kezde ótetin bá­se­keler jóninde aıtyp berseńiz. –             Jańa aıtyp ketken bes boksshymyzdan basqalarynyń bári 16-17 naýryz kúnderi Astanada ótetin matchtyq týrnırde óner kórsetedi. Bul básekege Ázirbaıjan, Ýkraına jáne О́zbekstan quramalary qatysady. Aldymen bizben qosqanda osy tórt qurama birlesken jat­tyǵýlar ótkizedi, sosyn bir-birimen kezdesedi. Bul – naǵyz tájirıbe ala­tyn, jigitterimizdi bir synap alatyn týrnır bolady dep oılaımyz. Qazaqstannyń Boks federasııasy osyndaı jarystardy ótkizýge nemese qatysýǵa úlken mán berip keledi. О́ıtkeni, bıyl Azııa oıyndary ótetin jyl. Azııa oıyndary degenimiz óte úlken jarys, al Qazaqstannyń boks qu­ramasyna eń úlken senim ar­ty­la­tyny belgili. Munyń aldynda 23 – 31 mamyr kúnderi Astanadaǵy “Dáý­let” sport kesheninde qyzdar ara­syn­da Azııa chempıonaty ótedi. Son­dyq­tan da respýblıkalyq Boks fe­de­ra­sııasynyń basshysy Tımýr Asqaruly ulttyq quramaǵa da, jastar qura­ma­syna da erekshe mán berip, olardyń daıyndyǵy úshin barlyq jaǵdaıdy jasap otyr. Mysaly, quramanyń birinshi nómirli boksshylary 2 500, al ekinshi nómirli boksshylary 1 500 dollardan jalaqy alyp turady. Sonymen qatar jastar quramasyna da jaqsy jaǵdaı jasalyp otyr. Jaqynda bizdiń jastar quramasy Irannan keldi. Osynda ótken Azııa chempıonatynda tórt boksshymyz al­tyn medal jeńip aldy! Bir boks­shymyz – kúmis, taǵy eki boksshymyz – qola júldeger atandy. Koma­n­da­lyq esepte Qazaqstan birinshi orynǵa ıe boldy. Iran, Qytaı, Úndistan qu­ra­malary eki altynnan alsa, О́z­bek­stan bir-aq altynmen shek­tel­di. Azııada birinshi bolǵan jas jigit­te­rimizge de materıaldyq syıaqy beriledi. 2011 jyly bizdiń Astanada jastar arasyndaǵy Álem chempıonaty ótetini belgili. AIBA-nyń bul sheshimi – bizdiń elge kórsetken úlken senim. Osyndaı halyqaralyq deńgeıdegi jáne respýblıka boıynsha ótetin sharalardy úılestirýde federa­sııa­nyń Atqarýshy dırektory Danııar Rústemuly Abýlǵazın úlken ju­mys­tar atqaryp keledi. Áńgimelesken Dastan KENJALIN.