Jıynǵa AQSh-tyń «Salyq jáne ınvestısııalar» halyqaralyq ortalyǵynyń prezıdenti Danıel Vıt, Atlant keńesiniń joǵary ǵylymı qyzmetkeri Arıel Koen, The Jamestown Foundation aǵa ǵylymı qyzmetkeri Vladımır Sokor, Nıý-Meksıko ýnıversıtetiniń professory Gregorı Glıson, Atlant keńesiniń múshesi Rıchard Vaıts jáne BAQ ókilderi qatysty.
«6-9 maýsym aralyǵynda bizdiń baıqaýshylar delegasııasy prezıdenttikten úmitker barlyq 7 kandıdatpen jáne olardyń ortalyq shtabtarymen kezdesti. Sondaı-aq Ortalyq saılaý komıssııasynyń jumystarymen de tanys boldyq. Biz saılaý barysynda Nur-Sultan, Almaty, Shymkent qalalaryndaǵy jáne Aqmola oblysyndaǵy 61 saılaý ýchaskesine bardyq. Ár ýchaskedegi daýys berý jumystary bizdiń baqylaýymyzda boldy. Ýchaskelerdegi daýys berýshilermen tildeskenimizde olar saılaý kezinde eshqandaı kedergiler bolmaǵanyn aıtty», dedi «Salyq jáne ınvestısııalar» halyqaralyq ortalyǵynyń prezıdenti Danıel Vıt.
«Biz saılaý ýchaskelerinen jergilikti partııalardyń baıqaýshylaryn kórdik. Olar saılaýǵa qatysty qandaı da bir quqyq buzýshylyq áreketter bolmaǵanyn jáne eshqandaı qysymsyz erkin jumys istep jatqandaryn jetkizdi. Saılaý ashyq ári qalypty jaǵdaıda ótti. Dese de biz saılaýǵa qatysty tehnıkalyq qatelikterdi baıqadyq. Bizdiń oıymyzsha, bul jaǵdaı kezdeısoq bolǵan oqıǵa», dedi Atlant keńesiniń joǵary ǵylymı qyzmetkeri Arıel Koen.
