Kóshi-qon basqarmasynyń bastyǵy Talǵat Ábilevtyń aıtýynsha, teriskeıge kóship kelýge nıet etkenderdiń biri - 89 jastaǵy Vera Býrlakova. Ol osy jerde týyp-ósken. 2004 jyly AQSh-qa qyzynyń qolyna kóship ketken. Endi 15 jyldan keıin atamekenge oralýdy jón kórgen.
«Soltústik Qazaqstanda fabrıkada, avtobýs parkinde jumys istedim. Kúıeýimiz ekeýimiz alty bala ósirip, tárbıeledik. Shetelge 75 jasymda qonys aýdardym. Biraq ýaqyt ótken saıyn saǵynýmen boldym. Qaıtyp kelgenime qýanyshtymyn. Bul jerde meniń týystarym, nemerelerim men jıenderim turady», -deıdi Vera Ivanovna.
Muhıttyń arǵy jaǵynan Krısten Denıelson da Qazaqstanǵa kóship kelýdi josparlaǵan. Oblystyq kóshi-qon qyzmeti basqarmasyna ol qujattaryn tapsyryp qoıypty. Ol osydan úsh jyl buryn soltústikqazaqstandyqpen tanysyp, endi qalǵan ómirin sonyń otanymen baılanystyrmaqshy.
Soltústik Qazaqstan oblysy
