Prezıdent • 13 Maýsym, 2019

Qasym-Jomart Toqaevtyń ulyqtaý rásimine baılanysty pikirler

393 retkórsetildi

Úlken úmit ústindemiz

Bul – erekshe tarıhı kún. Qa­zaq­stan tarıhyndaǵy ekinshi Prezıdent saılanyp, ulyqtaý rá­si­mi ótti. Árbir Prezıdent saılaýyna, saılanǵan Prezıdentke ha­lyqtyń úlken úmitpen qa­raıty­ny – zańdylyq. Jańa Prezıdent Qasym-Jomart Toqaev óziniń sózinde elimizdiń ári qaraıǵy damýynyń on baǵytyn belgilep, naqty jos­parlarymen bólisti.

Biz kórnekti dıplomat, mem­le­­ketshil qaıratker retinde ta­nyl­ǵan Q.Toqaevqa senim bil­di­rip, Prezıdentimizdiń bastamala­ryn qoldaýǵa ár kez daıynbyz. Barlyǵymyz da Qazaqstannyń bolashaǵy jarqyn bolyp, álem­dik arenadaǵy bedeliniń óse túsýine múddelimiz. Endi jańadan saılanǵan Prezıdentimiz aldaǵy ýa­­qytta Elbasy Nursultan Nazar­baevtyń saıasatyn, baǵy­tyn jal­ǵastyra otyryp, elimiz­diń gúl­denýine, halyqtyń ál-aýqa­tynyń artýy úshin bar tájirı­be­sin, kúsh-jigerin aıamaıdy dep senemiz.

Oralbaı ÁBDIKÁRIMOV,

memleket jáne qoǵam qaıratkeri

 

Eldik máseleni ekshedi

Jańa Prezıdentimiz halyq aldynda Ata Zańymyzǵa qolyn qoıyp, ant berdi. Saılanǵan Prezıdent retinde qyzmetine kiristi. Memleket basshysy saltanatty rásimde sóılegen sózinde ekonomıkalyq ósimniń eldegi birqatar áleýmettik máselelerdi sheshetinin aıtty. Menińshe, bul – durys bastama. «Azamattarymyz óz elinde alańsyz ómir súrip, eńbek etip, urpaǵyn tárbıelep, halqymyzdyń jetistikterine birge qýanyp, maqtan tutý úshin ekonomıkalyq ósim bolýy tıis» dedi ol baıandamasynda. Bul baǵytta laıyqty nátıjege qol jetkizý úshin kásipkerlikti damytý kerek.

Ekinshiden, qoǵamnyń bir múshesi, osy eldiń azamaty retinde maǵan unaǵany – qoǵam­men dıalog qurýdy qalaıtyny. Bul órkenıetke bet alǵan biz sekildi demokratııalyq mem­le­kettiń damýyna jol ashady. Sondyqtan onyń Ulttyq qoǵam­dyq senim keńesin qurý týraly sheshimi – halyqpen etene bolýǵa járdemdesetin jol. Prezıdent qoǵamdyq oı-pikirdi, halyqtyń qaı jolmen damýdy qalaıtynyn bilgisi keledi.

Al qorshaǵan ortany qorǵaý salasynda eńbek etip júrgen men úshin Memleket basshysynyń ekologııa týraly oıy erekshe boldy. О́ıtkeni kóp adam ekologııa máselesin ekinshi, tipti úshinshi qatarǵa qoıyp jatady. Biraq bul – asa mańyzdy másele. Sebebi ekologııa – ulttyń densaýlyǵy. Biz ózimizdi qorshaǵan ortada ómir súremiz. Prezıdent aıtqandaı, qorshaǵan ortanyń qazirgi múshkil hali – kópshiliktiń kókeıindegi másele. Sondyqtan osy túıtkildiń túıinin tarqatýda júıeli jumystar atqarylýy tıis.

Aıgúl SOLOVEVA,

Qazaqstan ekologııalyq uıymdar qaýymdastyǵynyń

basqarma tóraıymy

 

Bereri mol bedeldi tulǵa

Mine, tarıhı oqıǵaǵa kýá boldyq. Qazaq­stan­nyń táýelsiz tarıhynda ekinshi Prezıdent saılandy. Elbasy ornyn ózinen keıingilerge berip, kóregendik tanytty. Bul da qazaqtaı parasatty halyqtyń qolynan keletin is. Qasym-Jomart Kemeluly – birtýar azamat. Eńbek jolyn elge qyzmet etýge arnap, Qazaqstannyń ózge eldermen teń dárejede bolyp, halyqaralyq bedelin arttyrýǵa jumys istedi. Men Q.Toqaevtyń shtabynda boldym, óńirlerge baryp, úgit-nasıhat júrgizdik. Elimizde osyndaı álemdik deńgeıde bedeldi tulǵanyń baryna qýandym.

Prezıdent ulyqtaý rásimindegi baıandama­syn­da aldaǵy jumys-josparymen bólisti. Sonyń ishinde maǵan halyqtyń tabysyn art­tyrýdy qolǵa alatynyn aıtqan birinshi ba­ǵy­ty erekshe unady. Taıaý arada Úkimettiń keńeı­til­gen otyrysynda elimizdiń áleýmettik-ekonomıkalyq damýyna arnalǵan naqty mindet­ter­di aıqyndaıtynyn atap ótti. Eldiń tabysy, kúnkórisi jaqsy bolsa, jemqorlyq ta joıylady. Eń mańyzdysy – Prezıdent aıtqandaı, orta tap qalyptasady.

Qazaqta «Balasy atqa qonsa, sheshesi taqy­myn qysady», degen sóz bar, atqa qonǵan ulyn bárimiz halyq bolyp qoldap, kóterýimiz kerek. Sonda ǵana nátıje bolady. Sheteldiń bári bizge syn kózin salyp otyr. Sol úshin biz sekildi aldyńǵy tolqyn aǵalar ózinen keıingilerge úlgi bolyp, jastar amanatqa laıyq bolatyndaı tárbıeleýimiz qajet.

Jaqsylyq ÚShKEMPIROV,

Olımpıada chempıony

 

О́mir sapasy ózgeredi

Kezekten tys Prezıdent saılaýynyń qorytyndysy bo­ıynsha Qasym-Jomart Toqaev aıqyn basymdyqpen jeńiske jetti. Biz elimizdiń aldaǵy damý baǵdaryn aıqyndaıtyn jańa prezıdentti tańdadyq. Iаǵnı, Qazaqstannyń bolashaǵy úshin daýys berdik.

Qa­zaqstandyqtardyń tań­­da­ýy, ár daýsy óte ma­ńyz­­dy. El aza­mat­tary bul saılaýda belsendilik tanytyp, memlekettiń áleýetin art­tyrý úshin, gúldenip, bola­sha­ǵy­nyń jarqyn bolýy úshin qyzmet etetin kandıdatqa qol­daý kórsetti. Bizdiń búgingi tań­daýy­myz el erteńine zor áserin tıgizedi.

Endi bizdi alda úlken ju­mys­tar kútip tur. Qazaq­stan­dyqtardyń artqan zor seni­min, kútken úmitin aqtaý kerek. Qasym-Jomart Toqaev osy údeden shyǵyp, Elbasynyń strategııalyq jolynyń budan ári de jalǵasa beretinine kepil bolady. Sondaı-aq Prezıdent el azamattarynyń ál-aýqatyn arttyryp, ómir súrý sapasyn jaqsartý úshin bar kúsh-jigerin salady dep senemiz.

Qazaqstannyń isker áıelder qaýymdastyǵy


Baǵaly bastama

Qasym-Jomart Toqaevtyń Qazaqstan Respýblıkasynyń Prezıdenti qyzmetine resmı kirisý rásimi erekshe ótti. Ádette ulyqtaý rásimi saılaý qorytyndysy shyqqannan keıin araǵa biraz kún salyp baryp bolatyn edi. Osy joly erterek ótkenin jańa Prezıdenttiń aldaǵy jumys josparyn naqtylap, jedeldetip bastaýǵa umtylǵany dep oılaımyn. Bul rette Memleket basshysy usynǵan bastamalaryna basa mán bergenimiz abzal. Qazirdiń ózinde halyq arasynda Qasym-Jomart Toqaevtyń on ıdeıasy dep tarap jatqan baǵyt-baǵdarlar bar. Sonyń ishinde qoǵam belsendileriniń kóńilinen shyqqan Ulttyq qoǵamdyq senim keńesin qurý týraly bastamasyn aıtar edim.

Kezekten tys Prezıdent saılaýynyń nátıjelerine taǵy bir kóz júgirtsek, árbir kandıdattyń jınaǵan paıyzdyq daýystarynyń artynda halyqtyń úni, ártúrli sıpattaǵy máseleleri tur. Endi osyndaı talap-tilekter boıynsha el azamattarymen dıalog qurý, kommýnıkasııa ornatý jańa aıtqan Ulttyq qoǵamdyq senim keńesi arqyly júzege asyrylady. Bul keńes Memleket basshysynyń Jarlyǵymen bir aıdyń ishinde jumysyn bas­taıdy. Qasym-Jomart Toqaevty halyqaralyq dárejede qyzmet etken tájirıbeli dıplomat retinde halyq pen bılik arasynda kópir bolatyn keńesti qalyptastyrady dep senemin.

Muhtar MANKEEV,

«Qazaqstan-2050» jalpyulttyq qozǵalysy keńesiniń tóraǵasy

 

Uly murattarǵa umtylys

Qazaqstan eleýli ózge­ris­­ter­­diń aldynda tur. Mine, jańadan saılanǵan Prezıdent Qasym-Jomart Toqaev el aldynda ant qabyldap, mindetin atqarýǵa kiristi. Salta­nat­ty ulyqtaý rásiminde óziniń aldaǵy isteıtin ju­mys­tar­y­nyń jos­paryn baıandady. Sol sózine muqııat tyńdadym, óıtkeni onyń senim artqan adamynan ıgi is, nyq qadam kútken halyq úshin mańyzy zor. Jumys-josparyna zer salyp, óner adamy retinde óz kásibime kerek qandaı dúnıe bar ekenine basa kóńil aýdardym. Prezıdent bola­shaq­taǵy josparynda rýhan­ııat salasyn da nazardan tys qaldyrmaǵan. Ol óz sózinde «Rýhanı jańǵyrý» qun­dylyqtary bizdiń bas­ty rýhanı baǵdarymyz bolyp qala beretinin, tarıhqa qurmetpen qaraý, Otanǵa adal bolý, ǵylym-bilimge umtylys sekildi halqymyzdyń boıyn­da­ǵy asyl qasıetterge erekshe toqtaldy. Shynynda da, osy atalǵan qasıetter elimizdi damýǵa bastaıdy.

Men – ustazdyq jo­lyn­da­ǵy adammyn. Sondyqtan Memleket basshysynyń aıt­qan sózindegi eń mańyzdysy men úshin «Ustaz mártebesi» týraly málimdeýi boldy. Ol: «Biz muǵalimderdiń mártebesin kóteretin jańa zańdar qabyl­daı­myz. Olardyń quqyǵyn qorǵap, materıaldyq jaǵ­da­ıyn jaqsartý úshin tıisti jaǵdaı jasaımyz», dedi. Osy sózge muǵalimderdiń jala­qy­sy, qoǵam aldyndaǵy be­de­li, olarǵa beriletin baspana, mindetine jatpaıtyn ju­mystarǵa jegip tastaý  máse­le­si kiredi dep senemin.

Ulyqtaý rásiminde boldym, eger Prezıdent aldyna qoıǵan maqsattarǵa jetip, joǵarydaǵy jumys-jospary laıyqty iske assa, elimiz órkendeıdi.

Janǵalı JÚZBAI,

Qazaq ulttyq óner ýnıversıtetiniń professory

 

Damýdyń jańa dańǵyly

Keshe Nur-Sultan qalasynda Qa­zaq­stan Respýblıkasynyń Pre­zı­­denti qyzmetine resmı túrde ki­ri­sýin zańdy túrde bekitýge arnal­ǵan saltanat­ty ulyqtaý rásiminde Qazaqstan Respýblıkasy Kon­stı­tý­sııa­synyń 42-babyna sáıkes jańa saılanǵan Kazaqstan Res­pýb­lı­kasynyń Prezıdenti Q. Toqaev Qazaqstan halqynyń aldynda ant bergen erekshe tarıhı sáttiń kýási boldyq.

О́ziniń saılaýaldy baǵdar­la­masynda beıbitshilik pen kelisimdi, ortaq ıgilik, Qazaq­stan­nyń órkendeýi men gúldenýi jolynda aıanbaı eńbek etýdi óziniń basty maqsaty etip alǵan Q.Toqaevtyń saılaýdaǵy jeńisi zańdy qubylys deýge bolady. Qoǵamymyzda turaq­ty­lyqty, birlikti, ekono­mı­­kalyq órkendeýdi aldaǵy qyz­metine temirqazyq etip alǵan Elbasymyzdyń basty on baǵyt boıynsha belgilegen baǵdarlary qýatty, gúldengen Qazaqstandy qalyptastyrady, eli­mizdiń órkendeýine, hal­qy­myzdyń  áleýmettik jaǵ­daıy­nyń jaqsarýyna,  Konstı­tý­sııamyzben bekitilgen memle­ke­timizdiń eń qymbat qazynasy – azamattarymyzdyń zańdy quqylary men múddelerin, quqyqtary men bostandyqtaryn barlyq memlekettik jáne quqyq qorǵaý organdary, laýazymdy tulǵalar tarapynan ádiletti qorǵaýǵa jol ashady dep esepteımin.

«Elimizdiń ár adamynyń múddesin qorǵaý – meniń basty maqsatym», dep óz ant berý rásiminde atap kór­se­týiniń ózi  naǵyz halyq­tyq demokratııanyń, qara­paıym­dy­lyqtyń jáne óz halqyna jaqyn­dyqtyń úlgisi der edim.             

Táýelsizdigimizdi odan ári ny­ǵaıtyp, elimizdi damý­dyń jańa ór­kenıetti satysyna kóte­re­­tin Qazaqstan Respýblıkasy Pre­zı­­dentiniń qyzmetine jańa ki­risken Qasym-Jomart Kemel­uly Toqaevtaı iri memleket qaıratkerine Allamyz myqty densaýlyq, jasy­mas jiger, qajyrly qaırat berip, elimizdiń nurly, berekeli, beıbit bolashaǵy úshin jasaıtyn árbir isi sáttilikke toly bolsyn demekpin!


Bekmuhamet SERIKBAEV,

Qazaqstannyń Zańgerler jáne Jýrnalıster odaqtarynyń

múshesi, belgili zańger

Sońǵy jańalyqtar

Eń qysqa áńgime. Aldabergen Kempirbaı

Eń qysqa áńgime • Búgin, 13:00

Eń qysqa áńgime. Erkeǵalı Beısenov

Eń qysqa áńgime • Búgin, 12:42

Eń qysqa áńgime. Kógedaı Shámerhan

Eń qysqa áńgime • Búgin, 12:39

Eń qysqa áńgime. Jasulan Serik

Eń qysqa áńgime • Búgin, 12:37

Eń qysqa áńgime. Aqjol Qalshabek

Eń qysqa áńgime • Búgin, 12:28

Eń qysqa áńgime. Nurbek Nurjanuly

Eń qysqa áńgime • Búgin, 12:24

Elbasy Takeo Kavamýramen kezdesti

Prezıdent • Búgin, 11:34

Saǵynaıdyń beıiti tabyldy

Aımaqtar • Búgin, 10:52

Aqmolanyń astyǵyna suranys mol

Aımaqtar • Búgin, 10:22

Kúlki kerýeni № 7

Rýhanııat • Búgin, 10:20

Uly dalanyń tarıhy qaıta jańǵyrýda

Qazaqstan • Búgin, 10:09

Atalmaı nege qalsyn Musa aty?!

Rýhanııat • Búgin, 10:01

«Astana» Nıderlandqa attandy

Sport • Búgin, 08:53

Jaqsy dástúr jalǵasady

Rýhanııat • Búgin, 08:49

Alashtanýshy ǵalymnyń belesi

Rýhanııat • Búgin, 08:47

Igilikti eńbek ıesi

Qoǵam • Búgin, 08:46

Namazaly Omashuly: El shejiresi

Rýhanııat • Búgin, 08:42

Taraz shaharyndaǵy tamasha tún

Aımaqtar • Búgin, 08:39

Tuńǵysh Til forýmy ótedi

Qoǵam • Búgin, 08:36

Patrıarhtyń oryndalǵan paryzy

Rýhanııat • Búgin, 08:33

Kedergisiz keleshek

Qoǵam • Búgin, 08:31

Endi mekenjaı anyqtamasyn suramaıdy

Qoǵam • Búgin, 08:29

Joshy hanǵa eskertkish ornatylady

Rýhanııat • Búgin, 08:24

Qazaqtardyń atqa miný mádenıeti

Qazaqstan • Búgin, 08:22

Eýrony satyp alýshylar kóbeıdi

Ekonomıka • Búgin, 08:20

AQR: 14 bankti «saýyqtyrý» kerek pe?

Ekonomıka • Búgin, 08:15

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Uqsas jańalyqtar