Jazǵy ýnıversıada márege jetti

2019 jyldyń úshinshi sáýiri men onynshy maýsym aralyǵynda ótkizilgen, ıaǵnı tabany kúrekteı úsh aı jeti kúnge sozylǵan dúbirge toly jarys sportty bilim berý júıesiniń basty elementteriniń biri retinde damytýǵa negiz qala­ǵany haq. Ekinshiden, ýnıversıa­da buqaralyq sporttyń órisin ósirý men salamatty ómir saltyn óristete túsýge de jańasha serpin bergenin aıtýǵa tıispiz.

Ýnıversıada oıyndarynyń keıbir túrleri elimizdiń Al­maty, Shymkent, О́skemen, Oral jáne Taraz qalalarynda ótkizilgenimen, onyń negizgi salmaǵy Aqtóbege túskeni talas týǵyzbaıdy. Aıtalyq, ótken jy­ly Taldyqorǵan qalasynda aıaq­talǵan IH Jazǵy ýnıversıa­dada elimizdiń 52 joǵary oqý ornynyń sportshylary baq synasa, bıyl Aqtóbedegi Q.Jubanov atyndaǵy óńirlik memlekettik ýnıversıtettiń bazasynda ót­kizilgen baıraqty básekege JOO-nyń komandalary qa­tysyp, sporttyń 38 túri boıynsha baq synady. Sondaı-aq H Jazǵy ýnı­versıadaǵa 480 komandadan 4025 sportshy qatysqany atap aıtýǵa turar­lyq. Bul kórsetkish byltyrǵy jylmen salystyrǵanda 70 paıyzǵa artyq.

Ýnıversıadanyń saltanatty túrde jabylý rásimi kezinde Bilim jáne ǵylym mınıstrligi Ulttyq ǵylymı-praktıkalyq dene tárbıesi ortalyǵynyń bas dırektory Sadyq Mustafaev sóz tıegin osy arnadan sabaq­tady. Osy arada jalpy koman­da­lyq esepte birinshi oryndy Ál-Farabı atyndaǵy Qazaq ulttyq ýnıversıtetiniń komandasy utyp alǵanyn aıtýǵa tıispiz. Q.Jubanov atyndaǵy Aqtóbe óńirlik mem­lekettik ýnıversıtetiniń koman­dasy júldeli ekinshi oryndy en­shiledi. Al úshinshi oryndy I.Jansúgirov atyndaǵy Jetisý memlekettik ýnı­versıtetiniń sportshy stýdent­teri qanjy­ǵasyna bókterdi.

Sonymen birge X Jazǵy ýnıversıada saıystary kezin­de M.H.Dýlatı atyndaǵy Ta­raz memlekettik, Q.A.Iаsaýı atyn­daǵy Qazaq-túrik jáne S.Amanjolov atyndaǵy Shyǵys Qa­zaqstan memlekettik ýnıver­sıtetteriniń ko­mandalary sátti oıyn órnekterin kórsete bildi. Olardyń bári Bilim jáne ǵylym mınıstrligi men Ulttyq ǵylymı-praktıkalyq dene tárbıesi ortalyǵynyń qurmet gram­motalarymen arnaıy marapattaldy jáne kýboktar men estelik me­daldarǵa ıe boldy.

Aqtóbe qalasynda aıaqtalǵan X Jazǵy ýnıversıadanyń je­ńimpazdary bıyl Italııanyń Neapol qalasynda ótkiziletin XXX Jazǵy búkil dúnıejúzilik ýnıversıadaǵa qatysyp elimiz­diń namysyn qorǵamaq.

Aqtóbe