Rýhanııat • 17 Maýsym, 2019

«balapan» telearnasy jazda 11 joba usynady

282 retkórsetildi

«Qazaqstan» RTRK» AQ «balapan» telearnasy jazǵy maýsymda kórermen nazaryna barlyǵy 11 joba usynady. Jańa jáne jańartylǵan teleónimder 17 maýsymnan bastap efırden kórsetile bastaıdy.

Bıyl balalar arnasynda «Aıdar»  mýlthıkaıasynyń jalǵasy, ıaǵnı, ekinshi maýsymy kútiledi. Birinshi maýsymda bas keıipker Aıdar babalardan qalǵan amanatty aqtasa, al ekinshi maýsymda Aıdar «búgindi» saqtaý úshin kúresedi. Aıta keteıik, sýperqaharman Aıdardyń basynan ótken oqıǵalary  jas urpaqty tabıǵatty qorǵaýǵa, aıalaýǵa baýlıdy. Sondaı-aq, «Altyn qazyq»  etnotanymdyq realıtı-shoýy jaryqqa shyqpaq. Balalar kıiz úıde turyp, kóshpeli ómirdiń bar qupııasyn uǵynady.   Sonymen qatar kishkentaı kórermenderimiz  «Ertemir» men «Dala oıyndary» mýltıplıkasııalyq serıaldarynyń jalǵasyn kóretin bolady. 

Al, «Juldyzym» baǵdarlamasy 12 jasqa deıingi qazaqstandyq daryndy balalarǵa arnalǵan. Olar – jas chempıondar, túrli deńgeıdegi ǵylymı saıystardyń jeńimpazdary, bıshiler men sýretshiler. Atalǵan jobanyń basty maqsaty – osy daryndy balalardy barsha Qazaqstanǵa tanystyryp, myńdaǵan búldirshindi jeńiske  yntalandyrý.  Baǵdarlamanyń keıipkerleri jetistikke qalaı jetkenderin, ol úshin kúndelikti qalaı eńbek etkenin jáne bolashaqta qandaı belesti baǵyndyrǵylary keletinin aıtady. Al qýyrshaqtardyń «Sezim qalasy» balalardy meıirimdi, baýyrmal bolýǵa tárbıelep, án men bı arqyly kóterińki kóńil-kúı syılaıdy.  Sonymen qatar, keıipkerlerdiń jasaǵan qatelikteri men tapqan sheshimderi arqyly balaǵa tárbıe men bilimniń negizderin, qoǵamda ózin ustaý úlgilerin kórsetedi.

Sondaı-aq «Sıqyrly bólme» baǵdarlamasy kishkentaı kórermenderimizdi jańa da qyzyqty ertegilermen qýantpaq. Jobanyń maqsaty balalardyń ertegi tyńdaýǵa degen qushtarlyǵyn oıatý. Rýhanı qundylyqtarǵa, otansúıgishtikke, adaldyqqa, uqyptylyqqa baýlý. Ertegi arqyly der kezinde uıyqtaý mádenıetin qalyptastyrý. «Dos bolaıyq» baǵdarlamasy erekshe balalar men olardyń ata-analary qatysatyn áleýmettik joba. Ár baǵdarlamada erekshe keıipkerlerdiń aıaýly armanyn oryndaýǵa qadam jasalady. Maqsaty – osy qoǵamnyń kishkentaı músheleriniń «erekshe» adamdarǵa degen oń kózqarasyn jáne olardy shettetpeıtin izgi orta qalyptastyrý.    

 Al «Ámııan» realıtı-shoýy jetkinshekterdi qarjylyq saýattylyqqa tárbıeleıdi. Qarjyny  jumsaýdyń, únemdeýdiń negizgi qaǵıdalaryn úıretip, qarjyǵa jaýapty bolýǵa baýlıdy.  

Sonymen qatar, joǵaryda aıtylǵan baǵdarlamalardan   bólek,  ártúrli janrdaǵy ózge de jobalar jyl sońyna deıin kórermenge jol tartady.


Sońǵy jańalyqtar

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar