Aqıqat – Jeńis! Jalǵan – jeńilis! Biz jalǵan uranǵa, jalǵan patrıottyqqa, jalǵan ultshyldyqqa qarapaıym halyqty arandatpaýymyz kerek.
Shyndyq – shaban at sııaqty, asyqpaıdy. О́ıtkeni ol – shyndyq, onyń joly da kúrdeli. Al ótiriktiń joly jeńil, jeldeı esedi, tez taraıdy.
Endigi jerde Memleket basshysynyń alǵa qoıǵan arman - maqsatyna birge qol jetkizý. Birge jumylyp is bastaý. Daýy bitpeıtin úıden bereke qashatyny sııaqty alańǵa shyǵyp, qansha aıqaılaǵanmen bizge eshkim eshteńe ornatyp bermeıdi. О́zimiz janymyzdy jaldap, eldiń erteńine bilek sybanyp birge qyzmet jasaýymyz kerek. Balalyǵy qalmaǵan ulttyń op-ońaı utylatynyn umytpaǵan abzal.
«Júıriktiń bir mini bar – jorǵamen qatar júrmeıdi» deıdi bizdiń halyq.
Q.Toqaevtyń bolmys-bitimi, qundylyqty taný dástúri, jańashyldyǵy – bólek tulǵa. Búgingi qazaq balasy, bizder, ásirese jastar úırenetin dástúr bar tabıǵatynda. Ol memleketshildik sana.
Prezıdentimiz memleket ımıdjine dep jumsalatyn qaraýsyz qarjyǵa birden tyıym saldy. Áleýmettik salaǵa basa nazar aýdaryp otyr. Aqıqatty taza adam ǵana aıtsa jarasady, halyq ta soǵan ılanady.
Saıasatta júırikter az, jorǵalar kóp. Biz halyqtyń tańdaýymen báıgeden ozyp kelgen Prezıdentimizdiń alǵa qoıǵan bastamalaryna sáttilik tilep, senim artamyz. Biz ózimiz tańdaý jasaǵan Prezıdentimizben birgemiz!
Roza MUQANOVA,
Qazaqstannyń eńbek sińirgen qaıratkeri
