KÁSIBI BILIMNIŃ TIIMDILIGI

Qazaqstan Respýblıkasynyń Prezıdenti Nursultan Nazar­baev­tyń “Jańa onjyldyq – jańa eko­no­mıkalyq órleý – Qazaqstannyń jańa múmkindikteri” atty halyqqa Joldaýy elimizdiń damý baǵytyn aı­qyndap, bolashaqty naqty bol­jaýy­men qundy. Jas urpaqtyń tár­bıesi men bolashaǵyna beıjaı qaramaıtyn ustaz retinde meni  on­daǵy bilim, ǵylym salasynda oryn alatyn jańa baǵyttar qýantty. Qandaı memleket bolsa da bilimi, ǵy­lymy damymaıynsha alǵa jyl­jymaıdy. Elbasynyń bilim sapasy eń jo­ǵa­ry halyqaralyq talaptarǵa jaýap berýi tıis degen mindeti onyń álem­dik deńgeıge shyǵýyna múmkindik  týǵyzyp otyr. Egemen elimizdiń top jaryp, básekege qabiletti bilimi men ǵylymyn tanytqany, árıne, qýanyshty. Demek, álemdik ozyq bilim úlgilerin engizip, saraptap, tıimdisin alyp jatsaq, onyń salany damytýdaǵy úlesi zor deýge bolady. Aıtylǵan mindetterdi is júzine asyrýda ózim basshylyq jasaıtyn Jambyl aýdanyndaǵy Sh.Ýálıha­nov atyndaǵy orta mekteptiń ujy­my qundy qujatty oqyp, talqy­lap, osy boıynsha shákirtterdiń bilim deńgeıin kóterý úshin jumyla eńbek etýde. О́tken oqý jylyn tabysty qorytyndylasaq, bıyl odan da joǵary kórsetkishterge jetýge umtylyp otyrmyz. Joldaýda kásiptik jáne teh­nı­kalyq bilim berý kásibı stan­dart­tarǵa negizdelip, qatań túrde eko­no­mıkanyń qajettilikterimen ózara baılanystyrylýy kerek delingeni de kóńilge qonymdy, búgingi na­ryq­tyq qatynastyń shyrqaý shyńyna shyǵýdaǵy alǵyshart. О́ıtkeni, eli­mizde kásibı bilim kenjelep, ón­diriske qajetti maman tapshylyǵy týyndaǵanyn sezinýdemiz. Demek, kásiptik-tehnıkalyq bilimdi jan­dan­dyrý basty maqsat.  Ol qundy qu­jattaǵy on eki jyldyq oqytý­men sheshimin tabatyny da belgili. Oqýshylar mektepte bilim alýmen qatar, belgili bir kásipti meńgerip shyqsa, olardyń jumyspen qamty­lýyna jol ashylady. Aldaǵy onjyldyqta búldirshin­der­di mektepaldy daıarlyqpen, ıaǵnı balabaqshamen qamtý úshin “Bala­pan” baǵdarlamasynyń júzege asa­tyndyǵy da qýanyshty. О́ıtkeni, bilim negizi balabaqshada qalanady. Daıarlyqtan ótken bala der kezinde ózine qajetti bilim nárimen sýsyn­dap, mektep partasyna daıyn bola­dy. Bul aldaǵy bilim alýyna zor múm­kindik ashady. Bastaýysh tabal­dyryǵyn attaǵan búldirshinderdiń arasynda osy aıyrmashylyq aı­qyn seziletinin kórip júrmiz. Bul – bastapqyda aıtylǵan halyqara­lyq standarttar negizinde bilim alyp, bolashaqqa nyq qadam  ja­saı­tyn rýhy bıik, bilimdi, sapaly tulǵa tárbıeleý degen sóz. Joldaý joldaryn oqyǵan saıyn órkenıet tórine ozýǵa jasalǵan nyq qadam, berik baılamǵa kóz jetkize túskendeımiz. Zoıa  QYRǴYZBAEVA, Sh.Ýálıhanov atyndaǵy orta mektep dırektory, bilim berý isiniń úzdigi. Almaty oblysy.