Financial Times: «Sýdıa Tır «BTA Bank» áli de óziniń burynǵy tóraǵasy Muhtar Ábilázov pen onyń sybaılastarynan 2 mlrd. dollar óndire alady dep sheshti».
Beısenbi, 21 naýryz 2013 0:20
Brıtandyq Financial Times gazeti osylaı dep jazady. Onda: «Londonnyń Joǵarǵy soty qazaqstandyq ««BTA Bank» óziniń burynǵy tóraǵasy Muhtar Ábilázov pen onyń sybaılastarynan 2 mlrd. dollardy aktıv túrinde óndire alady» dep aıtylǵan. Is boıynsha sońǵy sheshimde sýdıa Tır BTA-nyń paıdasyna úsh talap aryz boıynsha sheshim shyǵarǵandyǵy belgili. BTA Ábilázovten onyń urlap alyp ketken mıllıardtaǵan dollarlaryn qaıtarýdy kózdeıdi, sondyqtan olar alaıaqtyń qylmysyn tolyq aıqyndap berip otyr.
Beısenbi, 21 naýryz 2013 0:20
Brıtandyq Financial Times gazeti osylaı dep jazady. Onda: «Londonnyń Joǵarǵy soty qazaqstandyq ««BTA Bank» óziniń burynǵy tóraǵasy Muhtar Ábilázov pen onyń sybaılastarynan 2 mlrd. dollardy aktıv túrinde óndire alady» dep aıtylǵan. Is boıynsha sońǵy sheshimde sýdıa Tır BTA-nyń paıdasyna úsh talap aryz boıynsha sheshim shyǵarǵandyǵy belgili. BTA Ábilázovten onyń urlap alyp ketken mıllıardtaǵan dollarlaryn qaıtarýdy kózdeıdi, sondyqtan olar alaıaqtyń qylmysyn tolyq aıqyndap berip otyr.
Jalpy, BTA sot qaraýy barysynda Ábilázov bankten qarajattardy tólemdi qamtamasyz etý jolymen ózine baǵynyshty jáne óziniń tikeleı baqylaýyndaǵy offshorlyq kompanııalar arqyly shyǵarǵan deıdi. Bul oqıǵalar Qazaqstanda oryn alǵanymen, Ábilázov jáne onyń bir sybaılasy Londonda turatyn bolǵandyqtan talap aryzdar joǵary sotqa osydan úsh jyl buryn berilgen edi.
Taıaýdaǵy sheshim sottyń burynǵy 2 mıllıard dollarǵa shyǵarylǵan qaýlysyna qosymsha boldy. Onda sýdıa Tır «BTA Bank» dırektorlar keńesiniń burynǵy tóraǵasy Muhtar Ábilázovke qatysty 2 mlrd. dollardy paıyzdyq ósimmen óndirýge sheshim shyǵarǵan bolatyn. Sonymen qatar, buǵan qosa bank basqarmasynyń burynǵy tóraǵasy Roman Solodchenkodan 0,4 mlrd. dollar óndirý týraly da sheshim shyǵaryldy.
Esterińizge sala keteıik, «BTA Bank» 2009 jyly tamyz aıynda benefısıary Ábilázov bolyp tabylatyn kompanııalar aktıvterine toqtam salynǵandyǵy týraly qaýly alǵan edi. Buǵan qosa sot kásipkerge eshqaıda ketpeý týraly shekteý qoıǵan bolatyn. Alaıda, 2011 jyly mamyr aıynda «BTA Bank» Ábilázovtiń sottyń sheshimderin oryndamaı otyrǵandyǵyn aıtyp, talap aryz túsirdi. Sol sııaqty burynǵy bankırge óziniń aktıvteri týraly jalǵan málimet berdi degen kiná de taǵyldy. Sóıtip, talap aryz berýshi Ábilázovtiń Londonnyń Joǵary sotyn syılamaǵandyqtyń 30 jaǵdaıyn tirkep, kórsetip berdi.
Al Muhtar Ábilázov bolsa, áli kúnge óziniń qýdalanýyn saıası astarmen túsindiredi. Ol ózin qazaqstandyq bılik rejimniń saıası opponenti retinde kórsetip baǵýda. Bul eskerýsiz de qalmaı tur, óıtkeni, brıtandyq bılik oǵan saıası baspana bergeni belgili.
