Dúnıe júziniń kóptegen elderi osy latyn qaripterin qoldaný arqyly jańa tehnologııalarǵa jaqyndaı túskenin kókiregi oıaý, kózi ashyq jannyń bári biledi. «Kóz qorqaq, qol batyr» degendeı kóz úırense, bári de basqasha kórinetini belgili. Máselen, «q» dybysyn alaıyqshy. Keıingi latynshaǵa kóshken jaǵdaıda ony «Q», «q» tańbasymen qoldanýdyń tól dybysymyzǵa dál keletini jıi aıtyla bastady. Meniń atym «Qazaq» dep álemdi moıyndatyp júrgen ataqty kásipqoı boksshymyz Qanat Islamnan bastap, Qazaqstan telearnasy usynǵan «Qazaqstan» ataýyna oraı óz attaryn ózgertken «Saryarqa» telearnasyna da, «Qazaq Radiolary» men «Qazsport»-qa da kózimiz úırene bastady. Erteń «Egemen Qazaqstan» gazetimiz de «Egemen Qazaqstan» bolyp shyǵyp jatsa, rýhymyzdy asqaqtata túsedi.
Elbasymyz elimizde júrgizilip jatqan saıası, ekonomıkalyq, áleýmettik jáne rýhanı jańǵyrý úderisinde tilimizdiń de jańa beleske kóterilýine erekshe nazar aýdaryp keledi. Al Elbasymyzdyń 2015 jyly AQSh-tyń Nıý-Iork qalasynda ótken Birikken Ulttar Uıymy Bas assambleıasynyń mereıtoılyq 70-shi sessııasynda álemniń eń joǵary minberinen tuńǵysh ret memlekettik tilde sóılegen sózi eshqashan da umytylmaıtyn sát. Álemniń eki júzge jýyq basshysynyń qazaq tilin tyńdaǵany ultymyz úshin tarıhı oqıǵa boldy. Táýelsizdigimizdiń 24-jyldyǵyn atap ótý barysynda Elbasymyz qazaqsha baıandaǵan sebebin: «bizdiń tilimiz dúnıe júzine estilsin, qulaqtaryna sińsin dep oıladym. Ári qaraı jyljyta beremiz. Men ádeıi solaı jasadym, sondyqtan men aıtqannan keıin, menen keıingi basshylar da solaı sóıleıdi dep senemin», dep túsindirgen edi. Osy bir tarıhı sátke oraı ana tilimizdiń naǵyz janashyrlarynyń biri Parlament Májilisiniń depýtaty Azat Perýashev óziniń áriptesteri men Úkimet múshelerin, memleket qyzmetkerlerin Elbasymyzdan úlgi alýǵa shaqyrǵan bolatyn. Elbasymyz óziniń Qazaqstan halqyna arnaǵan bıylǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Joldaýynda da
«...Qazaq tilin halyqaralyq deńgeıge jaqyndatý kerek. Latyn álipbıine kóshý bul máseleni retteýge múmkindik beredi. 2025 jylǵa deıin bilim berýdiń barlyq deńgeıinde latyn álipbıine kóshýdiń naqty kestesin jasaý qajet» dep atap kórsetken bolatyn.
Mine, qazaq tili endi taǵy bir jańa belestiń aldynda tur. Latyn álipbıi eń aldymen órkenıet jolyndaǵy básekege qabilettilikti arttyryp, pragmatıkalyq sananyń ornyǵýyna jol ashady. Sıfrly tehnologııanyń erkin enýine, álemdegi keń taralǵan tilderdi úırenýge jaqsy jaǵdaı jasaıdy.
