Munda 6 men 15 jas aralyǵyndaǵy balalar jaz boıy túrli sabaqtarǵa qatysyp, ýaqyttaryn tıimdi ótkize alady. Oǵan qosa oıyndar oınap, mýltfılmder qyzyqtap, merekelik sharalarǵa da atsalysady.
Jazǵy akademııa sabaqtary tańǵy jattyǵýdan bastalady. Kóńilderin kóterip, boılaryn sergitip alǵannan keıin ózderi qalaǵan úıirmelerge bólinedi. Kishi toptaǵylarǵa sýret salýǵa barlyq jaǵdaı jasalǵan. О́nerge birtaban jaqyndary dombyra úıirmesin tańdaǵan. Olarǵa «Asyl mura» úıirmesiniń ustazy Aıbek Dákerov beredi.
Jazǵy akademııanyń qatysýshysy Alǵat Saıranov buǵan deıin ulttyq aspapta oınaýdy ıgeripti. Qalaǵa kelgen soń birden dombyra úıirmesin tańdapty.
Hımııa kabınetine negizinen joǵarǵy synyp oqýshylary toptasqan. Olar munda túrli hımııa pánine qatysty dárister tyńdaıdy.
Jazǵy akademııaǵa kelýshilerge 28 ustaz sabaq beredi. Birinshi aýysymda 100-den asa ul-qyz jazǵy kanıkýldy mazmundy ótkizse, ekinshi aýysymda 140-qa jýyq shákirt qamtylǵan.
«Balalar ár túrli baǵyttaǵy úıirmelerge qatysyp, bilimderin jetildiredi, tájiıbelerin baıytady. Sporttyq oıyndarǵa, vokalǵa, bıge qatysady. Shildeniń 9-y men 19-y aralyǵynda yntalylardyń úshinshi legin qabyldaımyz», deıdi jazǵy akademııa jetekshisi Kámshat Mýsına.
