Baıqaý qorytyndysynda áýlıekóldik Ásem Qajıeva «Maılyqojanyń termesin» áýelete oryndap, birinshi oryndy jeńip aldy. Ekinshi oryndy Moskalev aýylynan kelgen «Oı tolǵaýy» atty termesimen Dýlat Shakırov qanjyǵasyna baılady. Qusmuryn aýylynyń turǵyny Abjanova Gýlshat «Jigitterge ósıet» atty termesimen úshinshi oryndy aldy. Munan keıin Novonejın aýylynan qatysqan Ámirhamzın Shyńǵyshan,Ámirhamzın Naýryzbaı,áýlıekóldik Qasymov Erlan, Qaraqalpaq aýylynan kelgen Jetpisbaev Meırambek tamyljyta án shyrqap, jyr aıtyp, kópshiliktiń kóńilinen shyqty, olar túrli atalymdar boıynsha marapattaldy.
Baıqaý sońynda Áýlıekól aýdany mádenıet jáne tilderdi damytý bóliminiń basshysy Jibek Toqaeva jınalǵan qaýymǵa bul is-shara ulttyq mádenıet pen biregeılikti saqtaý jáne ony jańǵyrtý, jastarǵa ulttyq tárbıe berý maqsatynda uıymdastyrylyp otyrǵandyǵyn jetkizdi. Án ozdyrǵan baıaýlar aldaǵy ýaqytta jalǵasa beretindigin aıtty.
