Saıasat • 04 Shilde, 2019

Gúlshara Ábdiqalyqova jumys saparymen Ázerbaıjan Respýblıkasyna bardy

120 retkórsetildi

2019 jylǵy 2-4 shildede Qazaqstan Respýblıkasy Premer-Mınıstriniń orynbasary Gúlshara Ábdiqalyqova Ázerbaıjan Respýblıkasyna jumys saparymen bardy. Bul týraly Premer-Mınıstrdiń baspasóz qyzmeti habarlady.

Sapar barysynda Ázerbaıjan Premer-Mınıstri Novrýz Mamedovpen kezdesý ótti. G. Ábdiqalyqova Qazaqstandaǵy prezıdent saılaýynyń nátıjeleri, jańa Memleket basshysy Q. Toqaevtyń syrtqy jáne ishki saıasatynyń basymdylyǵy jáne olardyń Tuńǵysh Prezıdenti – Elbasy N. Nazarbaevtyń baǵytymen sabaqtastyǵy, «Rýhanı jańǵyrý» baǵdarlamasynyń, «Uly dalanyń jeti qyry» basym baǵyttarynyń júzege asyrylýy týraly baıandady. Ázerbaıjan Úkimetiniń basshysy 2019 jylǵy qazan aıynda Nur-Sultan qalasynda ótetin qalalyq týrızm boıynsha segizinshi Jahandyq sammıtke shaqyryldy.

Sondaı-aq, vıse-premer Ázerbaıjannyń Mádenıet mınıstri Abýlfaz Garaevpen kezdesti. Taraptar mádenıetaralyq dıalog, tarıhı-mádenı murany saqtaý, birlesken mádenı-rýhanı jobalardy ilgeriletý salasyndaǵy ekijaqty yntymaqtastyqty keńeıtýge ýaǵdalasty.


Odan ári vıse-premer Ázerbaıjannyń Jazýshylar odaǵyna baryp, eldiń kórnekti zııaly qaýym ókilderimen kezdesti. Kezdesýde Halyq jazýshysy A. Rzaev, Ázerbaıjan «Pen» Klýbynyń prezıdenti, Halyq jazýshysy Ch. Abdýllaev, Halyq ártisi, kınorejısser O. Mırkasımov jáne G. Alıev atyndaǵy «Ázerbaıjan-Qazaqstan» dostyq qoǵamynyń prezıdenti, professor E. Gıýnaıdyn boldy.

G. Ábdiqalyqova suhbattasýshylardy Úshinshi jańǵyrý aıasynda Qazaqstanda júrip jatqan ózekti úrdistermen tanystyrdy. О́zgerýlerdiń negizi qoǵamnyń rýhanı jańǵyrýy bolyp tabylatynyn atap ótti. Tilderi men mádenıeti jaqyn, ortaq túrki tamyry bar eki el arasyndaǵy gýmanıtarlyq baılanystardy damytý boıynsha pikir almasý oryn aldy.

Sapar aıasynda vıse-premer 30 maýsym men 10 shilde aralyǵynda Bakýde ótetin IýNESKO-nyń Dúnıejúzilik mura komıtetiniń 43-shi sessııasyna qatysty.

Plenarlyq otyrysta sóılegen sózinde qazaqstandyq delegasııa basshysy Komıtet múshelerin elimizdegi tarıhı-mádenı muralardy, atap aıtqanda Qoja Ahmet Iаssaýı kesenesiniń qorǵalýy týraly habardar etti. Vıse-premer Túrkistan qalasyn damytýdyń jańa jospary onyń oblys ortalyǵy mártebesin alýmen baılanysty qabyldanǵanyn jáne sany artyp kele jatqan qala turǵyndarynyń, týrısterdiń qajettilikterin qanaǵattandyrýǵa baǵyttalǵanyn atap ótti. Ol qujat IýNESKO talaptaryna sáıkes ázirlengenin jáne keseneniń joǵary halyqaralyq mártebesin eskeretinin atap ótti.

1992 j. 22 mamyrynan bastap Qazaqstan Birikken Ulttar Uıymynyń bilim, ǵylym jáne mádenıet jónindegi (IýNESKO) múshesi. Uıymmen yntymaqtastyǵymyzdy QR IýNESKO jáne ISESKO jónindegi Ulttyq komıssııasy úılestiredi. Elimiz uıym aıasyndaǵy 15 halyqaralyq konvensııanyń tarapy bolyp tabylady. Derekti muranyń «Álem esteligi» halyqaralyq tizimine – 3, Dúnıejúzilik mura tizimine – 5, materıaldyq emes mádenı mura tizimine – 10, bıosferalyq rezervattar jelisine – 11, estelik datalar kúntizbesine – 21 otandyq usynym engizildi. Elimizde IýNESKO-nyń 5 kafedrasy, 31 qaýymdastyrylǵan mektebi, 50-den astam klýby bar. Qazaqstan bastamasymen BUU Bas Assambleıasy 2013-2022 jj. Mádenıetter jaqyndasýynyń halyqaralyq onjyldyǵy etip jarııalady jáne IýNESKO-ny tıisti baǵdarlamany júzege asyrýǵa jaýapty organ retinde belgiledi.



Sońǵy jańalyqtar

Kóktemgi egiske kóp qalǵan joq

Qazaqstan • Búgin, 13:32

Aqmolada áýe qatynasy qatań baqylanýda

Aımaqtar • Búgin, 13:23

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Uqsas jańalyqtar