Almıranyń aıyby… alty mıllıon aqsha
Senbi, 1 maýsym 2013 2:14
«Tengrinews.kz» saıtynda Ońtústik Qazaqstan oblysy qurylys basqarmasy bastyǵynyń orynbasary Almıra Ormanshınanyń ústinen alty mıllıon teńge para aldy degen kúdikpen qylmystyq is qozǵalǵany týraly aqparat jarııalandy.
Senbi, 1 maýsym 2013 2:14
«Tengrinews.kz» saıtynda Ońtústik Qazaqstan oblysy qurylys basqarmasy bastyǵynyń orynbasary Almıra Ormanshınanyń ústinen alty mıllıon teńge para aldy degen kúdikpen qylmystyq is qozǵalǵany týraly aqparat jarııalandy.
Isti qarjy polısııasy agenttiginiń tergeýshileri júrgizip otyr. «Qurylys basqarmasy bastyǵynyń orynbasary ústimizdegi jyldyń 24 sáýiri men 3 mamyry aralyǵynda 3 emhana men 1 mektep qurylysynyń jobalyq-smetalyq qujattaryn daıyndaýǵa arnalǵan konkýrsta jeńimpaz bolyp shyǵý úshin tutyný kooperatıviniń tóraǵasynan májbúrleý jolymen para alǵan degen kúdikpen aıyptalýda» delingen qarjy polısııasynyń aqparatynda.
Almıra Ormanshınanyń qurylys basqarmasynyń bastyǵy bolyp, aıaq astynan qyzmetinen tómendep, orynbasar bolǵanyna da kóp ýaqyt bola qoıǵan joq. Sońǵy kezderi el ishinde «Ormanshına jumystan bosap, Máskeýge qashyp ketipti» degen sózderdiń órship ketkeni ras. Tipti, onyń jap-jas bolsa da kezinde qyzmette tez órleýin jaqynda ǵana jumbaq jaǵdaıda jumysynan bosap, búginde qaıda júrgeni belgisiz oblys ákiminiń orynbasary Bolatbek Nájimetdınulymen baılanystyratyndar da bar. Kim bilsin… Bir anyǵy, «qulan qudyqqa qulasa, qulaǵynda qurbaqa oınaıdy» degen, Ormanshınanyń dáýreni ótkenin bireýler sezip-bilip, bir kezderi jasyryp qoıǵan «kartalaryn» ashyp, keıbir jáıtterdi jaıyp salýdy oılaǵan sııaqty. Árıne, bul jaǵdaı onsyz da jalyndap turǵan otqa taǵy da maı tamyzǵandaı bolǵany anyq. Ońtústiktegi dúrbeleń osymen toqtaı ma, joq pa?
Oralhan DÁÝIT,
«Egemen Qazaqstan».
Ońtústik Qazaqstan oblysy.
