Barar jeri, basar taýy qalmady
Sársenbi, 12 maýsym 2013 2:37
Kezinde elde júrgende bıliktiń maıly tetigin ustap, oıyna kelgenin istep, rahattana iship-jegen BTA banktiń burynǵy basshysy Muhtar Ábilázovtiń sońǵy saǵattary soǵatyn kúni jaqyndap qaldy. О́ıtkeni, onyń qylmystary bir emes, birneshe elde áshkerelenip, soǵan oraı oǵan birneshe memleket qylmystyq is ashyp otyr. Máselen, qazir buryn barynsha qupııa da jumbaq bolyp kelgen offshorlyq aımaqtardaǵy aqsha aınalymy jónindegi derekter sýdyń betine qalqyp shyǵyp jatyr. Ol endi tylsymnyń syry bolýdan qaldy.
Sársenbi, 12 maýsym 2013 2:37
Kezinde elde júrgende bıliktiń maıly tetigin ustap, oıyna kelgenin istep, rahattana iship-jegen BTA banktiń burynǵy basshysy Muhtar Ábilázovtiń sońǵy saǵattary soǵatyn kúni jaqyndap qaldy. О́ıtkeni, onyń qylmystary bir emes, birneshe elde áshkerelenip, soǵan oraı oǵan birneshe memleket qylmystyq is ashyp otyr. Máselen, qazir buryn barynsha qupııa da jumbaq bolyp kelgen offshorlyq aımaqtardaǵy aqsha aınalymy jónindegi derekter sýdyń betine qalqyp shyǵyp jatyr. Ol endi tylsymnyń syry bolýdan qaldy. Sebebi, áýelde lańkestik maqsattarǵa jaratylyp kelgen mundaı shottardy jasyrý múmkin bolmaı tur. Sóıtip, qashqandar men pysqandar úshin talaı jyl «qarjy jumaǵy» bolyp kelgen offshorlar óz betperdelerinen sypyrylýda. Sol tizimdegi eń sońǵy bekinis – Kıprdegi bankter edi. Munda, ásirese, osy bankterdiń ózi bankrottyq halge jetkennen keıin sheginer jeri taýsyldy. Sonyń tolqynynda Muhtar Ábilázovtiń jymdap jasyrǵan aqshalary da aq aıdynnyń júzine andaǵaılap shyǵa keldi.
Osylaısha Ábilázov sekildi alaıaqtardyń qarjy qazanyndaǵy sońǵy qorǵanys qamaldarynyń tas-talqany shyqty. Bul turǵyda Shveısarııa tipti ilgeri ketti. Onda taıaýda «Salyq máselelerindegi halyqaralyq kómek týraly» dep atalatyn jańa zań kúshine endi. Mine, osyǵan oraı joǵaryda aıtqanymyzdaı, endi Muhtar Ábilázovtiń taqyrǵa otyratyn kúni alys emes.
Qazir Qazaqstannyń quqyq qorǵaý organdary Muhtar Ábilázovtiń BTA bank qarjylaryn urlaý, uıymdasqan qylmystyq top quryp, oǵan basshylyq jasaý, qylmystyq jolmen alynǵan tabystardy jasyryp, ony syrtqa asyryp jiberý jáne bank qarajatyn zańsyz paıdalaný faktileri boıynsha qylmystyq isterdi tergeýdi jalǵastyryp jatyr. 2009 jylǵy 6 naýryzda Ábilázovke halyqaralyq izdeý jarııalandy. Budan bólek, oǵan Reseı Federasııasy men Ýkraınanyń quqyq qorǵaý organdary da óz elderine qatysty birqatar aýyr qylmystar jasaǵany úshin ony izdestire bastady.
2012 jylǵy aqpanda Ulybrıtanııada London Joǵary Sotynyń sheshimimen sotty syılamaǵany úshin Ábilázovke 22 aı merzimge túrmege otyrý jazasy kesilgen. Alaıda, ol Anglııanyń sot tóreligin oryndaýdan qashyp ketti. Ústimizdegi jylǵy mamyrdyń 28-nen 29-na qaraǵan túnde Italııa polısııasynyń Rım qalasy mańyndaǵy boljamdy turyp jatqan jerinde Ábilázovti anyqtaý men ustaý boıynsha sharalar kezinde onyń zaıyby Alma Shalabaeva men kámeletke tolmaǵan qyzy Alýa Ábilázova tabyldy. Italııalyq quqyq qorǵaý organdary Ábilázovti anyqtaý men ustaý boıynsha sharalardy áli de jalǵastyrýda. Al Eýropada qashqyn bankırdiń isi boıynsha sot tergeýleri júrip jatyr. Endi onyń halyqaralyq deńgeıge jetkizgen alaıaqtyq syzbasynyń qıturqysyn zertteýge ırland bıligi de qosyldy. Mine, Ábilázovtiń barar jeri, basar taýy qalmady desek te bolady.
Almas BOLATOV.
