Dostyq úıiniń ujymy atynan «Qazaq tili» halyqaralyq qoǵamynyń Soltústik-Shyǵys óńiri boıynsha vıse-prezıdenti Oral Sháripbaev sóz alyp, aǵalyq tilegin bildire kele, óz qolymen qazaqtyń qasıetti dombyrasyn usyndy. Oral Sháripbaevtyń qolynan dombyra alǵanyna qýanǵan jas ana rızashylyǵyn bildirdi.
– Biz mundaı sharalardy jıi uıymdastyramyz, – dedi mekeme dırektorynyń orynbasary Anargúl Dannanova. – Dombyra kúnine oraı arnaıy aksııa uıymdastyrdyq. Analarǵa syı-syıapat kórsettik.
Bul Almıra Rahmetjanovanyń tórtinshi balasy eken. Ol bolashaqta ulynyń zań salasynda qyzmet etkenin, sýdıa bolýyn qalaıdy. Sondyqtan oǵan Zańǵar dep at qoıypty. Perınataldy ortalyq qyzmetkerleri men Dostyq úıiniń ókilderi Zańǵardyń aman-esen úlken azamat bolyp ósýin, ulttyq salt-dástúrdi qurmetteýin tiledi.
Raýshan NUǴMANBEK,
«Egemen Qazaqstan»
