Qamkóńilderdi qoldaý jalǵasady
Senbi, 26 qańtar 2013 7:32
Qoǵamdaǵy adamdardyń barlyǵy birdeı emes. Olardyń arasynda eńbek etýge, ózin ózi qajetti jaǵdaımen qamtamasyz etýge jaramdy azamattarmen qatar, kemtar, múmkindigi shekteýli adamdar da bar. О́rkenıetti elderde kemtar adamdardyń, múgedek jandardyń ózin ózgelerden kem tutpaı, paıdaly eńbekpen aınalysýyna jaǵdaı týǵyzylady. Mundaı úlgili úrdis bizdiń elimizde de qalyptasyp keledi. Sońǵy jyldary múgedek jandar da óz kúshi jetetin kásippen aınalysýǵa yntaly bola túsýde. Múmkindigi shekteýli kásipkerlerge óz isin uıymdastyryp, ony damytý ońaıǵa soqpaıtyndyǵy jasyryn da emes. Osyny eskergen «Damý» qory múgedek kásipkerlerge aqysyz jáne qaıtarymsyz negizde kómek kórsetýge baǵyttalǵan «Damý-Kómek» baǵdarlamasyn ázirlegen bolatyn.
Senbi, 26 qańtar 2013 7:32
Qoǵamdaǵy adamdardyń barlyǵy birdeı emes. Olardyń arasynda eńbek etýge, ózin ózi qajetti jaǵdaımen qamtamasyz etýge jaramdy azamattarmen qatar, kemtar, múmkindigi shekteýli adamdar da bar. О́rkenıetti elderde kemtar adamdardyń, múgedek jandardyń ózin ózgelerden kem tutpaı, paıdaly eńbekpen aınalysýyna jaǵdaı týǵyzylady. Mundaı úlgili úrdis bizdiń elimizde de qalyptasyp keledi. Sońǵy jyldary múgedek jandar da óz kúshi jetetin kásippen aınalysýǵa yntaly bola túsýde. Múmkindigi shekteýli kásipkerlerge óz isin uıymdastyryp, ony damytý ońaıǵa soqpaıtyndyǵy jasyryn da emes. Osyny eskergen «Damý» qory múgedek kásipkerlerge aqysyz jáne qaıtarymsyz negizde kómek kórsetýge baǵyttalǵan «Damý-Kómek» baǵdarlamasyn ázirlegen bolatyn. Bul baǵdarlama iske asyryla bastaǵan ýaqyttan beri «Damý» qorynyń Aqtóbe oblystyq aımaqtyq fılıalyna jumys jasap turǵan jáne isin jańa bastaǵan 60 múmkindigi shekteýli kásipker kómek alýǵa ótinish bildirgen, onyń ishinde, 26 adam óz isin ashý jáne damytý úshin qajetti qural-jabdyqtar men materıaldar túrindegi kómekke ıe bolǵan.
Múmkindigi shekteýli kásipkerlerdiń máseleleri tek turmystyq sıpattaǵy qıyndyqtar jáne qozǵalys shekteýligimen baılanysty ǵana emes, sonymen qatar, ekinshi deńgeıli bankterdiń nesıeleri búgingi tańda olar úshin qoljetimsiz bolyp otyrǵany ras. «Damý-Kómek» baǵdarlamasy osyndaı kásipkerlerge olardyń máseleleri men olarǵa qajetti resýrstar týraly aqparattandyrý deńgeıin arttyrý jolymen qoldaý kórsetýge baǵyttalǵan. Baǵdarlama sheńberinde múgedek kásipkerlerge demeýshiler qarajaty esebinen qarjylyq-materıaldyq kómek kórsetiledi jáne olarǵa bıznesti tıimdi júrgizý boıynsha keńester berilip, oqytý kýrstary uıymdastyrylýda. Munyń ózi múmkindigi shekteýli adamdardy materıaldyq yrys-bereke jáne kásibı ósýdiń negizi bolyp tabylatyn kásipkerlik qyzmetti júrgizýge yntalandyrýǵa alǵyshart jasaýda.
«Damý-Kómek» baǵdarlamasy boıynsha ótken jylǵy sońǵy demeýshilik kómek Aqtóbe qalasynyń turǵyny, 3-shi toptaǵy múgedek Namazbaı Shabaqovqa kórsetildi. Oǵan aıaq kıim jóndeý sheberhanasyna qajetti qural-saımandar men qajetti materıaldar syıǵa berildi. Namazbaı Shabaqovqa qolushyn sozyp, demeýshilik kórsetken Aqtóbe qalasynyń jeke kásipkerleri Ermekbaı Mustafınge jáne Qaırat Ábdikárimovke «Damý» qorynyń arnaıy alǵys hattary tabys etildi.
Jalpy, osy ýaqytqa deıin «Damý-Kómek» baǵdarlamasy boıynsha múgedek kásipkerlerge Aqtóbe oblysynyń 17 kásiporyndary men kásipkerleri kómek kórsetti. Olardyń arasynda «Keramıka» AQ, «Aqtóbe metall qurastyrý zaýyty», «Kazteploenergomontaj», «Býr-Naı», «Mılysaı», «Kılıko Týn», «Aqpan» , «Aleks-Kompanı», «Alı Jas ı K», «Bıznes Navıgator LTD», «Trans-Torg-RTI» jaýapkershiligi shekteýli seriktestikteri men jeke kásipkerler Erlan Nııazov, Nazgúl Qazıeva, Jalǵas Qashqymbaev, Qýanysh Túmenov, Ermekbaı Mustafın, Qaırat Ábdikárimov bar. Múmkindigi shekteýli jandardyń máselelerine beı-jaı qaramaı, olarǵa demeýshilik kómek kórsetken qoly ashyq, qaıyrymdy jandardyń bul ónegesi ózgelerge úlgi bolarlyq is ekeni sózsiz.
Satybaldy SÁÝIRBAI,
«Egemen Qazaqstan».
Aqtóbe oblysy.
