Jumysqa ruqsat alýǵa nıet bildirýshilerdiń sany, ásirese kóktemgi-jazǵy kezeńde artady, bul kezde kóshi-qon qyzmetteri el boıynsha kúnine birneshe myń ruqsatqa deıin rásimdeıdi.
Osyǵan oraı, ishki ister organdaryn sıfrlandyrý máselelerine arnalǵan keńeste Ishki ister mınıstri Erlan Turǵymbaev memlekettik qyzmetterdiń elektrondy formatqa kóshýin jedeldetýdi tapsyrdy. Qazirgi ýaqytta kóshi-qon qyzmetterin kórsetý ortalyqtarynda sıfrlandyrý prosesteri jappaı engizilýde.
Aıtalyq, qazirgi ýaqytta elimizdiń barlyq óńirlerinde ashylǵan kóshi-qon qyzmeti ortalyqtary negizinen gastarbaıterlerdi «kóleńkeden» shyǵarý jáne olardy eńbek qyzmetiniń resmı ortasyna tartý prosesimen aınalysýda. Sonymen qatar atalǵan ortalyqtarda memlekettik qyzmettiń 10-nan astam túri kórsetilýde. Onyń ishinde jumys isteýge ruqsat alý jáne ruqsattyń merzimin uzartý, vıza rásimdeý, azamattyq máseleler, sheteldikterdi turaqty turýǵa rásimdeý, JSN, saqtandyrý polısin, jeke kóshi-qon nómirin alý jáne medısınalyq kýálandyrý qyzmetteri mıgranttar tarapynan joǵary suranysqa ıe bolyp otyr.
