Aımaqtar • 12 Shilde, 2019

Elorda ákimi Altaı Kólginov astanalyq energetıkterdiń jumysyn synǵa aldy

162 retkórsetildi

Elorda ákimi Altaı Kólginov TEO-2-de bolyp, aldaǵy ýaqytta Astanany gazdandyrý máseleleri boıynsha kóshpeli jıyn ótkizdi. Keńes barysynda jobalyq-smetalyq qujattamanyń bir bóligi daıyn emes ekeni anyqtaldy. Bul týraly qala ákimdiginiń resmı saıty habarlady.

Saraptama áli ótken joq. Qazirgi ýaqytta konkýrs boıynsha sot daýlary júrip jatyr. Keıbir jobalar boıynsha áli kúnge deıin konkýrstar jarııalanǵan joq. Bul jaýapty qurylymdar arasyndaǵy kelisilmegen is-áreketterge baılanysty. Oryndaýshylarǵa qaraǵanda bastyqtar kóp bolyp otyr.

Jıyn barysynda aldaǵy jylytý maýsymyna kómir jetkizý, «Astana-Energııa» AQ balansyna «TEO-1 jáne TEO-2 keńeıtý jáne qaıta qurý» jobasy aıasynda salynǵan jabdyqtardy berý boıynsha aǵymdaǵy máseleler talqylandy.

Astanadaǵy TEO stansııalaryn gazdandyrý jobasynyń 1-kezegi 2019-2021 jyldary iske asyrylýy tıis ekendigi aıtyldy. Osy kezeńde qalanyń 633,67 mln tekshe metri gaz tutynýy josparlanǵan. Bul jospardaǵy jalpy mólsherdiń 96%-yn (658,15 mln tekshe metr) qamtıdy.

Ákim qazandyq agregattaryna NID tehnologııalaryn engizý jumystaryn baqylaýdy tapsyrdy. Bul tehnologııalar qorshaǵan ortaǵa shyǵarylatyn zııandy zattar mólsherin qysqartýy tıis.

«TEO-1 men TEO-2 - astanaǵa ómir berip turǵan strategııalyq nysandar. «Astana-Energııa» AQ basshylyǵy kelisim jasalmaǵan máselelerdi shuǵyl retteýi tıis. Biz jylý elektr stansııalaryn gaz qabyldaýǵa daıyndaýǵa tıispiz. Ár bólimshe apta saıyn atqarylǵan jumystyń esebin beretin bolsyn», - dedi ákim.



Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar