– О́zderińiz bilesizder, bizdiń ólketaný qoǵamymyzdyń músheleri Shyǵys Qazaqstan tarıhyn jete zertteýmen aınalysyp keledi. Men bul aınany Semeı qalasynyń mańynan, shamamen 20 shaqyrym jerden taptym. Aınanyń ortasy tesilgen bolyp shyqty. Tipti aına adamdar jerlengen qorymnan alynǵan degen nusqa da bar. Sıqyrly aınany qabirge salmas buryn, ony keıin eshkim paıdalanbaýy úshin arnaıy tesip, buzǵanyn baıqadyq.
Marat Sasanovtyń aıtýynsha, bul sıqyrly aınaǵa shamamen 1000 jyl bolǵan. Sebebi onda qytaı ıeroglıfteri anyq kórinedi. Qoladan jasalǵan, pishini qısyqtaý kelgen.
Aına arqyly qabyrǵaǵa kún sáýlesin túsirgende, qabyrǵada artqy jaqta ornalasqan sýretter nemese jazbalar paıda bolady eken. Sol úshin de ony tylsym dúnıelermen baılanystyratyn kórinedi.
Kórmeni daıyndaý barysynda mýzeı qyzmetkerleri kóne buıymnyń ózge de sıqyrly qasıetterin baıqaǵan. Olar eksponatty jipke ilgende sıqyrly aına jan-jaqqa jyljyp, bet jaǵymen burylmaǵan eken. Aıta ketý kerek, mýzeıge jyl saıyn HIH ǵasyrdyń túrli dúnıeleri túsip jatady. Bul mýzeı Fedor Dostoevskıı men Shoqan Ýálıhanovqa qatysty tyń derekterdi saqtap otyr.
Raýshan NUǴMANBEK,
«Egemen Qazaqstan»
SEMEI
