О́ńirlik Kommýnıkasııalar qyzmetinde ótken baspasóz konferensııasynda:
«Aımaǵymyzdaǵy kúnniń qatty ysýy turǵyndarǵa áser etýde. Sońǵy eki aptada jedel járdem qyzmetin shaqyrtqan turǵyndar sany artty. Atap aıtqanda, 1-7 shilde aralyǵynda dárigerler 10951 adamǵa medısınalyq qyzmet kórsetti. Ol 8-14 aralyǵynda 11049 adamǵa jetti. Aýa-raıyna baılanysty demsaýlyǵy syr bergen azamattar sany óskeni ańǵarylyp otyr. Olardyń arasynda júrek-qan tamyrlary aýrýy birinshi orynda tursa, odan keıingi kezekte - tynys alý dertteri. Osyǵan baılanysty oblys turǵyndaryn uzaq saparlardan, ashyq kúnniń astynda uzaq bolýdan, táýliktiń ystyq merziminde syrtta uzaq júrýden bas tartýǵa shaqyramyz», dedi Qyzylorda oblystyq densaýlyq saqtaý basqarmasynyń basshysy Jaqsylyq Ábdýsámetov.
