Búgingi kúnge deıin 103 otbasy, ıaǵnı 617 adam kenshiler qalasyna qonys aýdardy. Bıyl «Nurly jer» baǵdarlamasy aıasynda baspanalar qurylysy men olarǵa ınjenerlik-kommýnıkasııalyq jelilerdi tartýǵa memlekettik qazynadan 17 mlrd. teńge qarastyryldy.
Oblystyq Qurylys basqarmasynyń málimetinshe,bıyl kópbalaly otbasylar úshin Ekibastuz, Aqsý qalalarynan páterler satyp alynýda.
Satyp alý tártibi boıynsha, páterlerdiń jalpy aýmaǵy 60 sharshy metr, quny 8,4 mıllıon teńge bolý kerek. Respýblıkalyq bıýdjetten bólingen 1,2 mlrd. teńgege 143 páter satyp alynbaq. Kelesi jyly kópbalaly otbasylarǵa arnalǵan turǵyn úılerdi jańadan salyp, qoldanysqa berý josparlanýda.
Mamyr aıynda 57 kópbalaly otbasy Aqsý qalasy Astana kóshesi, 58 mekenjaıynan páterler aldy. Jyl sońyna deıin taǵy da eki shaǵyn aýdannan taǵy 56 jer úı qoldanysqa berilmek.
Qazir oblys ortalyǵyndaǵy Saryarqa shaǵyn aýdanynda 8 úıdiń qurylysy júrgizilýde. Dostyq shaǵyn aýdanyn salýǵa qajet ınjenerlik jeliler qurylysy da bıyl aıaqtalmaq.
Shaǵyn aýdannyń 95 gektar jerinen 7552 páter turǵyzylady. Jańa jáne ekinshi naryqtaǵy baspanalardy «Turǵyn úı qurylys jınaq banki» arqyly alýǵa bolady.
Pavlodar oblysy
Sýretti túsirgen Valerıı Býgaev
