Aımaqtar • 17 Shilde, 2019

Túrkistan: «Mektepke jol» aksııasy bastaldy

480 ret

kórsetildi

1 mın

oqý úshin

Túrkistan oblysynda ótken 2018-2019 oqý jyly «Mektepke jol» qaıyrymdylyq aksııasy aıasynda 25509 balaǵa jalpy 201 mln 456 myń 101 teńge kóleminde materıaldyq kómek berilgen bolatyn. Sonyń ishinde 3807 balaǵa bıýdjet qarajaty esebinen – 483 251 teńgege, qalǵan 21702 balaǵa demeýshiler qarajaty esebinen – 200 mln 972 myń 850 teńgege materıaldyq kómek kórsetilgen.

Ǵalymjan ELShIBAI

Túrkistan: «Mektepke jol» aksııasy bastaldy

Kómek kólemi jańa oqý jyly qarsańynda kóbeımese, azaımaıtyny anyq. Bul jóninde óńirlik kommýnıkasııalar qyzmetinde ótken brıfıngte Túrkistan oblysynyń adamı áleýetti damytý basqarmasy basshysynyń mindetin atqarýshy Ardaq Sadyqova málimdedi.

«Prezıdent Qasym-Jomart Toqaevtyń tapsyrmasyn oryndaý maqsatynda 2019 jyldyń 3 shildesi men 30 qyrkúıek aralyǵynda ótetin jyl saıynǵy «Mektepke jol» respýblıkalyq qaıyrymdylyq aksııasy bastaldy. Az qamtamasyz etilgen jáne kópbalaly otbasylar, jetim nemese men ata-anasynyń qamqorlyǵynsyz qalǵan, ıaǵnı kómekke muqtaj oqýshylarǵa jańa 2019-2020 oqý jylyna daıyndyq kezeńinde qoldaý kórsetý maqsatyndaǵy aksııany joǵary deńgeıde ótkizý úshin is-shara jospary túzilip, júıeli jumystar atqarylatyn bolady», - dedi A.Sadyqova.

Túrkistan oblysy