1911 jyldyń 13 maýsymynda jazylǵan «Qazaq eliniń ýstavy» sonyń aıqyn aıǵaǵy. «Qazaq» gazetiniń 1914 jylǵy №90 sanynda Á.Bókeıhannyń «Barlybekti umytpasqa» atty múnahıb-maqalasynyń jazylý syry da osynda jatyr.
Jaqynda qalamger, jas ǵalym Eldos Toqtarbaıdyń tarıhı tolǵamǵa negizdelgen «Barlybek týraly birer sóz...» atty kitaby jaryq kórdi. Kitapta saıası qaıratker, qazaq halqynyń quqyǵyn qorǵaýǵa jan salǵan B.Syrttanovtyń ómir joly, qyzmeti jáne otbasy men urpaqtary jaıynda keńirek qamtylǵan. Zańger Barlybek Syrttanovtyń esimin jańǵyrtyp, qazaq tarıhyndaǵy orynyn anyqtaýda atalǵan kitaptyń mańyzy zor. Jańashyldyǵy sol, kitapqa buryn-sońdy jarııalanbaǵan tyń aqparattar men arhıvten tabylǵan qujattar engizilgen. Eńbekte Barlybektiń ǵumyr joly men qyzmetine qatysty ózindik boljamdary men tujyrymdary da qamtylǵan. Tipti, tarıh tasasynda qalǵan tarlannyń jan-jaqty qabiletin anyqtap, tilge tıek etkeni de kórinedi. Máselen, kitap keıipkeri bilim-ǵylymnan bólek, dárigerlik salany da meńgergenge uqsaıdy. Sondyqtan onyń «Dárilik ósimdikter» eńbegin jazýy tegin emes. Eń bastysy kitapty oqyp shyqqan oqyrman ótken kezeńderde qazaq qoǵamynyń derti bolyp jabysqan, ózekti máselelerdi saýatty túrde jetkizip, kúrese bilgen eren tulǵanyń tutas ǵumyrynan habardar bolady.
