Oqıǵa shalǵaıdaǵy Ǵabıt Músirepov aýdanynda oryn alǵan. Tártip saqshylary Rýzaevka-Vozvyshenka avtojolynda sýyt júristi GAZ-330210 kóligin toqtatty. Avtokólikti tekserý barysynda 5 lıtrlik plastık bótelkelerge quıylǵan 900 lıtrden astam spırttik ónim tabylǵan. Kólik júrgizýshisi qajetti júk qujattaryn kórsete almaǵan.
«Alkogol ónimderin satý barysynda kóptegen zańbuzýshylyqtarǵa jol beriledi. Eń jıi kezdesetini – 21 jasqa tolmaǵandarǵa jáne túngi saǵat 23.00-den keıin ishimdik satý. Sondaı-aq qoldan jasalǵan spırttik ónimderdi belgilengen baǵadan tómen satqan derekter de anyqtaldy. Osyndaı zańbuzýshylyqtarǵa jol bergeni jáne alkogoldi tıisti qujattarsyz satqany úshin 12 adam ákimshilik jaýapqa tartyldy. 369 shólmek spırttik ónim aınalymnan alyndy», deıdi Ǵ.Músirepov aýdany polısııa bóliminiń bastyǵy Aıdos Ydyrysov.
Oblys boıynsha jyl basynan spırttik ishimdikterdi satýda 218 zańbuzýshylyq tirkelgen. Onyń 136-y zańsyz saýdaǵa qatysty. Nátıjesinde 615 lıtr ónim aınalymnan alyndy.
Soltústik Qazaqstan oblysy
