Bul shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: Rýhanı jańǵyrý» baǵdarlamasy aıasynda qolǵa alynyp otyr. Atalǵan qalashyq VII-HIV ǵasyrlarda Jankent, Iаngıkent dep atalǵan. Túrikmen tarıhshysy Ábilǵazy Bahadúrdiń aıtýynsha, oǵyz eline júzdegen jyldar boıy astana bolyp kelgen. Jankent shahary Syr ózeniniń sol jaq betinde ornalasqan.
Dalalyq ekspedısııa jumystaryn Qorqyt ata atyndaǵy Qyzylorda memlekettik ýnıversıtetiniń ǵalymdary qolǵa alyp otyr. Oǵan ýnıversıtettiń arheologııa jáne etnografııa ǵylymı-zertteý ortalyǵynyń jetekshisi, PhD doktor Ázilhan Tájekeev jetekshilik etedi.
«Bıylǵy qazba jumysynda qalashyqtyń shahrıstan bóliginde ornalasqan turǵyn úı keshenine zertteý júrgizildi. Eskertkish sıtadeliniń soltústik qabyrǵasynan arshylǵan munaralar men oǵan jalǵasyp jatqan qabyrǵalarǵa nazar aýdaryldy. Sondaı-aq qalashyqtyń shyǵys qabyrǵasynyń ortańǵy bóligine qazba salynyp, tolyq arshyldy», dedi Ázilhan Tájekeev.
Búginde qalashyqtyń ǵalymdar zerttegen bóligi tolyqtaı konservasııalandy.
