Buryn atalǵan aýyldyń balalary men jastary fýtboldy shańdy burqyratyp topyraqta oınaıtyn. Endi olar jaz aılarynda syrty qorshalǵan, tabanyna jasandy kógal tóselgen zamanaýı nysanda dop tebetin boldy. Al qysta kort ishi hokkeı oınaıtyn, konkı tebetin muz aıdynǵa aınalady.
Sport nysanynyń ashylý saltanatynda jergilikti balǵyn fýtbolshylarǵa dop pen sporttyq kıimder syıǵa tartyldy. Endi jattyǵýyna barlyq jaǵdaı jasalǵan Qarajar aýlynyń komandasy aýdandyq jáne oblystyq deńgeıdegi jarystarǵa qatysýǵa mol múmkindik aldy.
Sonymen qatar atalǵan aýylda «Kórkeıe ber, týǵan jer» aksııasy aıasynda jergilikti «Jastar saıabaǵy» abattandyryldy. Oǵan «Rýhanı janǵyrý» baǵdarlamasy boıynsha okrýg bıýdjetinen qarjy bólingen bolatyn.
