Meksıkanyń Los Kabos qalasynda ótip jatqan ATP sanatyndaǵy jarysta erler arasynda Qazaqstannyń birinshi raketkasy Mıhaıl Kýkýshkın ¼ fınalda álemdik reıtıngte 27-orynda turǵan argentınalyq Dıego Shvarsmanmen kúsh synasty. Bir saǵatqa sozylǵan básekede Shvarsman 6:1, 6:2 esebimen jerlesimizden basym tústi. Buǵan deıin eki tennısshi ózara úsh márte kezdesip, eki match qazaqstandyq tennısshiniń jeńisimen aıaqtalǵan edi.
Al AQSh-tyń Vashıngton qalasyndaǵy týrnırde baq synaǵan Zarına Dıas shırek fınalda ıtalııalyq Kamıla Djordjımen kezdesti. Dúnıejúzilik reıtıngte 84-orynda turǵan Zarına álemniń 62-raketkasy Kamıla Djordjımen eki set oınap, 6:3, 6:2 esebimen ese jiberdi. Buǵan deıin tennısshilerdiń eki márte joldary túıisip, bir-birden utqan bolatyn.
