Aımaqtar • 05 Tamyz, 2019

Tańǵajaıyp tuńǵıyqgúl

33 retkórsetildi

Este joq eski zamanda bir teńiz sulýy ómir súripti desedi. Aıdan ásem, kúnnen kórkem kelbetine qaraǵan jan kózin ala almaı qalady eken. Biraq tákappar arý adam balasyn mensinbepti. Ǵaıyptan taıyp bireý ózine qaraı bettese, sýǵa súńgip joǵalady.

Qurylǵan torǵa da túspeıdi. Esh­qan­daı aqynnyń jyry, batyrdyń serti sulýdyń júregin jibite almapty. Bir kúni tań áletinde sol ózenge Gerakl kelip jýynady. Symbatty jigittiń kórki kózin arbaǵan sulý ań-tań qalypta turyp qalady. Al batyr jigit qyzdy baıqamaıdy da, jýynyp alyp artyna qaramaı kete beredi. Júregi keýdesine syımaı janyn órtegen sulý qyz janary móldirep aıdynnyń jaǵasynda qala barypty. Sodan qaıtyp sýǵa súńgimeı, ǵashy­ǵyn kútken ádemi gúlge aınalypty. Tuńǵıyqgúl týraly osyndaı ańyz bar.

Soltústik jáne Ortalyq Amerıka­da, Gavaı araldarynda jáne Aýs­tralııa, Japonııa, Qytaı men Úndis­tanda, Fılıppınde ǵana ósetin osy ǵajaıyp gúldi Atyraý oblysynyń Qurmanǵazy aýdanyndaǵy Qıǵash ózenine barsańyz kóre alasyz. Ásirese tamyz aıynda kól beti keremet sulýlyqqa bólenip, alqyzyl gúlderdiń alańyna aınalady. Sońǵy jyldary Qıǵashqa tek osy tuńǵıyqgúldi tamashalaý úshin baratyn týrısterdiń qatary kóbeıgen. «Planeta.kz» týrıstik kompanııasynyń basshysy Roza Bekenova: «Atyraý oblysynda bul gúl jeti jyldan beri ósedi, – deıdi. –Mamandardyń aı­týynsha, bizge Reseıdiń Astrahan oblysynan kelgen. Oblystyq ańshylar men balyqshylar qoǵamymen birlesip tuńǵıyqgúl alqabyna týrıstik baǵyt ashtyq. О́tken jyly 30-dan astam týrıst baryp Qıǵash ózeniniń ǵajap tabıǵatyn kórip keldi». Bir qıyny, Atyraý-Astrahan tas jolynyń qazirgi jaǵdaıy bul týrıstik baǵytty órkendetýge qolbaılaý bolyp otyr.

Kúnmen birge oıanyp qaýyzyn ashyp, kún batqanda uıqyǵa ketetin tuńǵıyqgúl bıyl da Qıǵash boıyn ásemdikke bólep tur.

 

ATYRAÝ

 

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar