Ideologııalyq jumystarǵa serpin qosý kerek
Senbi, 26 qańtar 2013 7:35
Elbasy Nursultan Nazarbaev ótkizgen keńeıtilgen keńeste Qazaqstannyń 2050 jylǵa deıingi strategııalyq baǵdarlamasyn oryndaýǵa tikeleı qatysy bar mańyzdy máselelerge erekshe nazar aýdaryp, bul baǵytta oryn alýy yqtımal keleńsiz jaıttarǵa jeke-jeke toqtaldy. Osy oraıda, taqyrypqa qatysty óz oıymyzdy bildire ketkendi jón kórip otyrmyz. О́ıtkeni, munyń qoǵamymyzdaǵy ıdeologııalyq jumystardyń mazmun jáne túr jaǵynan tereńdep baıyp, túrlene túsýine yqpaly zor bolmaq.
Senbi, 26 qańtar 2013 7:35
Elbasy Nursultan Nazarbaev ótkizgen keńeıtilgen keńeste Qazaqstannyń 2050 jylǵa deıingi strategııalyq baǵdarlamasyn oryndaýǵa tikeleı qatysy bar mańyzdy máselelerge erekshe nazar aýdaryp, bul baǵytta oryn alýy yqtımal keleńsiz jaıttarǵa jeke-jeke toqtaldy. Osy oraıda, taqyrypqa qatysty óz oıymyzdy bildire ketkendi jón kórip otyrmyz. О́ıtkeni, munyń qoǵamymyzdaǵy ıdeologııalyq jumystardyń mazmun jáne túr jaǵynan tereńdep baıyp, túrlene túsýine yqpaly zor bolmaq. «Qazaqstan-2050» Strategııasyn áli de bolsa onyń avtorynan artyq nasıhattaı alyp otyrǵanymyz joq. Joldaýdyń mánin qoǵamnyń árbir múshesiniń sanasyna sińirý úshin «Nur Otan» partııasynyń Ortalyq komıteti janynan arnaıy mamandandyrylǵan aqyly lektorlar mektebin, toptaryn qurǵan jón dep oılaımyz.
Al ózimiz sııaqty jaı nasıhatshylardyń mindeti – Joldaýdyń árbir taraýynan, baptarynan ózimizge jáne ózgelerge mindetter tabý. Árbir mekeme basshysy óz ujymynda ózderine tikeleı qatysty máseleler boıynsha kólemi, oryndalý merzimi naqty aıqyndalǵan mindetteme qabyldap, onyń oryndalýyn atqarýshy bılik organdary qadaǵalap, jyl saıyn esebin tyńdap otyrǵan durys.
Prezıdent baǵdarlamasynda qoǵamnyń barlyq salalaryndaǵy ahýaldarǵa shynaıy baǵa berilip, alǵa ilgerileýdiń joldary týraly tyń tujyrymdar jasaldy, qoǵam múshelerine ádil talap qoıyldy. Atalmysh qujattyń júzege asýy úshin bizder aınalamyzdaǵy keleńsizdikterge, kemshilikterge tózbeıtindeı aýan qalyptastyrýǵa tıistimiz. Árqaısymyzdyń óz jumysymyzǵa degen adaldyǵymyzdy, adamdar arasyndaǵy ádildigimizdi, jaýapkershiligimizdi arttyrýymyz qajet. Ásirese, quqyq qorǵaý organdaryndaǵy ujymdaǵy adaldyq, ádildik halyq arqyly baǵalanýy tıis.
Jergilikti jerlerdegi eń bir aýyr másele – jarııalylyq jáne jarııasyzdyq. Ásirese, prokýratýra, sot qyzmetteri. Temir sharbaqpen qorshalǵan kabınetterden jarııalylyq halyqqa shyǵa almaıdy. Bolyp jatqan qylmystar ne halyq arasynda, ne aqparat quraldary arqyly jurtqa jetpeıdi. Aktıv jınalystarynda quqyq qorǵaý organdary basshylarynyń sózi túgili, ózderi de óte sırek kórinedi.
Jergilikti gazetterdiń birinde jumystary toqtaǵan júzdegen kásipkerlerdiń tizimi berilip júr. Ne úshin, kim toqtatqany belgisiz. Al, tabysyn jasyryp, salyǵyn tólemeı qashyp júrgenderdiń tizimin jarııalaý eshkimniń oıyna kirip shyqpaıdy. Jemqorlyqpen kúres taqyrybyna da gazet betterinen jaqsy oryn beriledi. Materıal bergen zań organdarynyń qyzmetkerleri, ókinishke qaraı, qoǵamda oryn alǵan teris qubylystar týraly birde-bir mysal keltirmeıdi.
Prezıdent aıtady: Bizge qoǵamdyq baqylaýdy, jergilikti jerlerdegi ahýalǵa azamattardyń yqpalyn kúsheıtý kerek, dep. Prokýrorlyq baqylaý ózderiniń qalaýynsha bar sııaqty. Biraq, nátıjesi halyqqa jarııasyz. «Nur Otan» partııasynyń baqylaýy bar dep estımiz. Kimder kimderdi baqylap júr? Taldaý bar ma? Joq.
Prezıdenttiń tómendegideı qundy eskertpeleri bar: «Qoǵam jáne azamattar memlekettik sheshimder qabyldaý úderisteri men olardyń júzege asyrylýyna tikeleı qatystyrylýy qajet. Jergilikti basqarý organdary arqyly halyqqa jergilikti mańyzy bar máselelerdi óz betimen jáne jaýapkershilikpen sheshýine naqty múmkindik berý kerek. Azamattardyń jergilikti jerlerdegi ózekti máselelerdi sheshýge, jergilikti bılik organdarynyń jumysyn baqylaýǵa belsene aralasatyn ýaqyty týdy». Muny jergilikti atqarýshy organdar men depýtattar nazarynda myqtap ustaýǵa mindetti.
Biz, deıdi Elbasy, memlekettiligimizdiń rýhanı máseleler ekonomıkalyq, materıaldyq máselelerden eshbir kem baǵalanbaıtyn damý kezeńine kelip otyrmyz. Prezıdenttiń osy tujyrymyn jergilikti jaǵdaılarmen baılanystyra qarap kórsek, budan jarty ǵasyr buryn aýyl-selolarda qyzmet etken mádenıet saraılary Túrkistanǵa áli kúnge buıyrmaı keledi…
Quryqtalmaı kele jatqan jemqorlyqty tejeý úshin myna faktorlarǵa tereń mán bergen lázim: zań aıasynda halyq arasyndaǵy jarııalylyq. Halyqtyń aryz-shaǵymdaryna hat túsken laýazymdy organdar tómenge «jaýap ber» dep syrǵyta salmaı, máseleniń anyqtalýyna, durys sheshim qabyldanýyna ózderi basshylyq ári baqylaý jasaý. Halyqtyń moral jaǵynan taza ári qarapaıym ókilderin jergilikti atqarý organdarynyń jınalystaryna, basqa da qoǵamdyq jumystarǵa keńinen tartý. Qoly, ary taza, ozat oıly azamattardy barlyq deńgeıde marapattap, kópshilikke úlgi-ónege etip, qurmetteý.
Nurmahan NAZAROV,
Qazaqstan Respýblıkasy-nyń mádenıet qaıratkeri,
Túrkistan qalasynyń qurmetti azamaty.
Ońtústik Qazaqstan oblysy.
