Ekijaqty yqpaldastyqqa ekpin bergen sapar

Sársenbi, 6 aqpan 2013 7:27

Qazaqstan Respýblıkasynyń Syrtqy ister mınıstri Erlan Ydyrysov óziniń germanııalyq áriptesi, federaldy Syrtqy ister mınıstri Gıdo Vestervelleniń shaqyrýy boıynsha resmı saparmen GFR-da boldy. Sapar aıasynda qazaqstandyq syrtqy saıasat vedomstvosynyń basshysy GFR saıası jáne isker toptarynyń ókilderimen birqatar ekijaqty kezdesýler ótkizdi, dep habarlady QR SIM-iniń baspasóz qyzmeti.

Sársenbi, 6 aqpan 2013 7:27

Qazaqstan Respýblıkasynyń Syrtqy ister mınıstri Erlan Ydyrysov óziniń germanııalyq áriptesi, federaldy Syrtqy ister mınıstri Gıdo Vestervelleniń shaqyrýy boıynsha resmı saparmen GFR-da boldy. Sapar aıasynda qazaqstandyq syrtqy saıasat vedomstvosynyń basshysy GFR saıası jáne isker toptarynyń ókilderimen birqatar ekijaqty kezdesýler ótkizdi, dep habarlady QR SIM-iniń baspasóz qyzmeti.

Sapar baǵdarlamasyn eli­miz­diń dıplomatııa vedomstvosy basshysynyń Germanııa Býn­des­tagynyń túrli partııalyq frak­sııalarynyń ókilderimen kezdesýi ashty. Onda ekijaqty qarym-qatynastyń mańyzdy baǵyttary talqylanyp, halyqaralyq qa­ty­nastardyń ózekti máseleleri bo­ıynsha pikir almasyldy. Ger­­ma­nııalyq depýtattar Qazaq­stan­nyń Ortalyq Azııadaǵy ma­ńyzdy rólin ataı otyryp, El­basynyń «Qazaqstan-2050» Strategııasynda josparlanǵan ba­symdyqtarǵa joǵary baǵalaryn berdi.
E.Ydyrysovtyń GFR Vı­­se-kansleri – Ekonomıka jáne­ tehnologııalar federaldy mı­­­­­­­nıstri Fılıpp Reslermen ke­­­­lis­sózderi barysynda eki­­jaqty saýda-eko­nomıkalyq, ın­ves­tı­sııalyq jáne tehnologııalyq yn­ty­maq­tas­tyq jóninde keńinen pikir almasyldy. Qazaqstan basshysy Nursultan Nazarbaevtyń 2012 jylǵy aqpan aıynda Ber­lınge jasaǵan sapary kezinde qol jetkizilgen ýaǵ­da­lastyqtardy júzege asyrýǵa qa­tysty máseleler talqyǵa salyndy.
Federaldy Kanslerdiń Syrtqy saıasat jáne qaýipsizdik jónindegi keńesshisi Krıstof Hoısgenmen áńgime barysynda ekijaqty qa­rym-qatynas jáne halyqaralyq yntymaqtastyq máseleleri qoz­ǵaldy. Aýǵanstandaǵy jáne Taıaý Shyǵystaǵy jaǵdaıdy retteýge, lańkestikpen jáne ekstremızmmen kúresýge, Eýropadaǵy daǵdarysqa, sonymen qatar, QR men EO ara­syndaǵy yqpaldastyqqa erekshe nazar aýdaryldy. Kezdesý sońynda K.Hoısgen GFR Kansleri Angela Merkeldiń atynan Qa­­zaq­stan basshysyna eń jaqsy sózderin sálemmen jetkizýdi surady.
QR-GFR Strategııalyq ynty­maqtastyq jónindegi iskerlik ke­ńe­siniń tóralqa múshesi, GFR Eko­nomıka jáne tehnologııalar mınıstriniń orynbasary Ver­ner Ressıngpen jáne Iskerlik keńestiń teń-tóraǵasy, «Deutsche Bank» bankiniń atqarýshy dırektory Peter Tılspen kezdesýler aıasynda eki eldiń arasynda saýda-ekonomıkalyq jáne ınvestısııalyq yqpaldastyqty keńeıtý máseleleri qarastyryldy.
Qazaqstan elshiliginiń Ger­ma­nııa astanasyndaǵy jańa ǵı­ma­ra­tynda ótken kezdesýden keıin bir­qatar mańyzdy ekijaqty eko­­no­mıkalyq kelisimderge qol qoıyldy.
Sońǵy ýaqyttary Qazaqstan men Germanııa arasyndaǵy eki­jaq­ty ekonomıkalyq qarym-qa­tynastar údemeli qarqynmen da­myp kele jatqanyn atap ótý qajet. 2011 jyldyń qorytyndysy boıynsha ózara taýar aınalymy daǵdarysqa deıingi kórsetkishterge jetip, 6,2 mlrd. eýrodan asyp tústi. Bul úderis ótken jyldyń qo­rytyndysy boıynsha da tirkeledi dep kútilýde. Máselen, Qazaqstan GFR-ǵa shıki munaı jetkizýshiler úshtigine kiredi (OPEK elderin esep­temegende), al QR men GFR ara­syndaǵy taýar aınalymynyń jal­py úlesi Germanııanyń barlyq Or­talyq Azııa jáne Ońtústik Kav­­­kaz elderimen syrtqy saýdasynyń 65%-ynan asyp túsedi.
Elimiz Syrtqy ister mınıs­tr­i­niń Berlın eýrazııalyq klýbynyń besinshi otyrysynda sóz sóıleýi sapardyń mańyzdy bóligi boldy. Onyń jumysyna nemis tarapynan kórnekti saıası qaıratkerler men sarapshylar, isker toptar men BAQ ókilderi qatysty. Eýrazııalyq qaýipsizdik taqyrybyndaǵy baıandamasynda qazaqstandyq mınıstr bizdiń elimizdiń jahandyq jáne óńirlik qaýipsizdik, eýrazııalyq ın­tegrasııa máselelerindegi us­­tanymdaryn jetkizip, BEK ju­­­­­­mysyna muhıttyń arǵy ja­ǵyn­­­­daǵy jáne postkeńestik sa­rap­shy­lar qoǵamdastyǵyn shaqyrý ar­qyly ózara yqpaldasý dıalogyn keńeıtýdi usyndy. Is-shara so­­­­ńynda qyzý pikir almasý oryn aldy.
Berlın eýrazııalyq klýbynyń Prezıdent N.Nazarbaevtyń bastamalaryn júzege asyrý aıasynda QR men GFR, sondaı-aq EO arasyndaǵy qoǵamdyq-saıası máselelerdiń keń aýqymyn talqylaýǵa arnalǵan únqatysý alańy retinde qurylǵany belgili. Klýb Qazaqstannyń osy yńǵaıdaǵy Eýropadaǵy alǵash­­qy jobasy bolyp tabylady. Ol jańa múmkindikterdi zert­teý­­­ge, eýropalyq jáne azııa­lyq má­denıetter arasyndaǵy ún­qa­tysýdy nyǵaıtýǵa baǵyttalǵan.
Qazaqstandyq mınıstr sondaı-aq Germanııa ekonomıkasy Shyǵys komıtetiniń tóraǵasy E.Kordespen jáne bıznes ókilderimen kezdesý ótkizdi. Kezdesýler sheńberinde ekonomıkalyq yntymaqtastyqty ári qaraı damytý men nyǵaıtýdyń jaı-japsary, sonymen qatar, Qazaqstan basshysynyń Ger­­­­­ma­nııanyń ekonomıkalyq jáne teh­­­­nologııalyq áleýetin eskere oty­ryp áriptestikti ilgeriletý týraly tapsyrmasyn iske asyrý máseleleri talqylandy.
Germanııa astanasyndaǵy sapa­rynyń sońǵy kúninde E.Ydyrysov GFR Syrtqy ister federaldy mınıstri Gıdo Vestervellemen kelissóz júrgizip, saıası, saýda-eko­nomıkalyq jáne mádenı-gý­ma­nıtarlyq salalardaǵy eki­jaq­ty yntymaqtastyqtyń ba­sym ba­­ǵyttary men qazirgi jaǵ­da­ıyn qarastyrdy. Taraptar ha­lyq­aralyq birlestikter sheń­be­­­rin­degi ózara yqpaldastyq jó­­nin­de pikir almasyp, qazirgi tań­­da­ǵy halyqaralyq qarym-qa­ty­nas­­tardyń ózekti máselelerin qoz­­ǵady.
Kezdesý qorytyndysy boıynsha QR men GFR dıplomatııa vedomstvolarynyń basshylary eki eldiń syrtqy saıasat vedomstvolary arasyndaǵy yntymaqtastyqty keńeıtýge baǵyttalǵan birlesken deklarasııaǵa qol qoıdy.
Sapar sheńberinde E.Ydy­ry­sovtyń qaýipsizdik máseleleri jó­nindegi halyqaralyq kon­fe­ren­sııaǵa qatysqany málim.