2007 jyly Jympıtyda dúnıege kelgen Mansur Nurlybekuly Oral qalasyndaǵy №34 mektepte oqıdy. Úsh jyldan beri taekvondoǵa qatysady. Jattyqtyrýshy, Batys Qazaqstan oblystyq taekvondo federasııasynyń prezıdenti Aralbek Ahmetovtiń shákirti osy jyldar ishinde Qazaqstannan bólek, Belarýs, Reseı Federasııasy tórinde tóselgen tatamılerde myqtylyǵyn dáleldep, halyqaralyq jarystardyń chempıony bolyp úlgerdi. Mansur Nurlybekuly bıyl taekvondodan Azııa kýbogynyń ıegeri atandy.
11 jasar jetkinshek keıingi ýaqytta aralas jekpe-jekpen aınalysyp júr. Tordaǵy tóbeles tarlandarynyń otany sanalatyn Groznyıdaǵy jarysqa joldama alýdyń ózi onyń sporttyń bul túrinen de osal emestigin bildiredi. Jarysty uıymdastyrǵan «AKHMAT» jekpe-jek klýby búginde álemge tanymal. fightnews.info saıtynyń málimetinshe, osy klýbtyń 6 jaýyngeri UFC lıgasyna tirkelgen.
Cheshenstan astanasynda salmaǵyna saı qarsylas bolmaýyna baılanysty bizdiń batyr jekpe-jek ótkize almady. Biraq Ramzan Qadyrovpen kezdesý ol úshin eń bir eleýli oqıǵa boldy.
Biz Mansurdyń ózine habarlasyp, kezdesýdiń qalaı bolǵanyn suradyq:
– Jarystan keıin jattyqtyrýshymyzben birge Groznyıdyń kórikti jerlerin tamashalap, qydyryp júrgenbiz. Ramzan myrza da keshki qalada velosıped teýip, serýendep júr eken. Qasymyzdaǵy ata-ananyń biri oǵan «Qazaqstannan sálem!» dep aıqaılady. Ramzan Qadyrov bizdi estip, janymyzǵa kelip toqtady.
– Qazaqtarǵa qalaı toqtamaımyn?, – dep jymıdy sosyn. Biz qýanyp kettik.
Cheshen halqynyń basshysy óte kishipeıil ári qazaq halqyn erekshe qurmetteıdi eken. Bárimizben jeke-jeke sýretke tústi. Tipti, top bolyp sýretke túskende, ol bizdiń Kók týymyzdy kóterip turdy. Qazaqtarǵa duǵaı sálem joldap bizdi qonaqqa shaqyrdy. Qazaq meımandarǵa cheshender «Vasabı» meıramhanasynda dastarqan jaıdy.
Cheshenstan Respýblıkasynyń prezıdentimen kezdesýimdi, jasaǵan selfıimdi kórip bári qýanýda. Bul da bir tarıh qoı!, – deıdi Mansur Nurlybekuly.
Jetkinshek aptanyń 6 kúnin jattyǵý zalynda ótkizedi. Ol demalystyń ózinde de ýaqtyly júgirip, fýtbol oınap, kermege tartylyp, babyn joǵaltpaýdyń amalyn jasap júr. О́ziniń aıtýynsha, onyń bári Olımpıada chempıony bolý úshin kerek.
Baýyrjan ShIRMEDINULY,
jýrnalıst
Batys Qazaqstan oblysy
