Shalǵaıdaǵy Astrahan aýdanynda jumys kóziniń kóp emestigi belgili. Halqy sırek qonystanǵan bul ólkede jurt negizinen mal súmesimen kúneltedi. Aýyl sharýashylyǵymen aınalysatyn seriktestikterde eńbek etip, nápaqasyn taýyp júrgender de az emes. Kópbalaly analar memleket qamqorlyǵyn kórýde. Atap aıtatyn bolsaq, búgingi tańda aýdanda 200-ge jýyq kópbalaly ana ataýly áleýmettik kómekke ıe. Sol analardyń ishinde óz aldyna mamandyq ıgerip, shaǵyn da bolsa sharýasyn dóńgeletýge umtylyp otyrǵandardy kórgende razy bolasyń. О́tken jyly kópbalaly eki ana úsh aılyq kýrsty oqyp, kádege jaraıtyn kásip ıgerýde. Bıylǵy jyly úsh birdeı ana talpynyp otyr.
– Ilgeri umtylǵandardyń biri – Zaǵıpa Abdýllaeva,–deıdi aýdandyq jumyspen qamtý ortalyǵynyń dırektory Janar Muhamedjanova,–segiz bala tárbıelep otyrǵan ana. Bul otbasy aı saıyn 140 000 teńge kóleminde áleýmettik kómek alyp otyr.
Aldynan jumys úrkip otyratyn ananyń úıdegi sharýasy da shash etekten. Áıtse de qarap otyrǵannan qareket etken jaqsy. Osy bir oı qysqa merzimdi kýrsqa jetektep ákelgen. Sóıtip, naýbaıhanashy mamandyǵyn ıgerip shyqty. Narttaı qyzyl, dámi til úıiretin nan pisirý tańsyq jumys emes. Onsyz da segiz balanyń as-sýyn daıyndaýǵa ábden úırengen kóp balaly ana endi as atasymen támam jurtty qamtamasyz etpek.
–Tuńǵyshym 23-te, kenjemiz bir jastan jańa asty,–deıdi Zaǵıpa Abdýllaeva,–joldasym jergilikti sharýashylyqtardyń birinde ot jaǵýshy bolyp jumys isteıdi. Tabysymyz az bolǵan soń men de bir jaǵynan shyǵysyp, qarap otyrǵansha qarajat tapqanym jaqsy emes pe? Kúz de kelip qaldy. Bilim oshaǵyna baratyn balalardy kıindirýimiz kerek. О́z qoldary óz aýyzdaryna jetkenshe kómektespese bolmaıdy ǵoı.
Ananyń aıtýyna qaraǵanda, ataýly áleýmettik kómek taryqqan jandardyń qos qoltyǵynan demeıtin perishtedeı. Qazir olar bar tapqandaryn baspana salyp alamyz dep qurylysqa jumsap jatyr eken.
Jetkinshekteriniń erteń-aq azamat atanyp ketetinine kúmán joq. Segiz birdeı perzentin óbektep baǵyp otyrǵan analarynyń janyn jaldap naýbaıhanada jumys istegendigin kórip ósken balalar da ana degenniń qandaı qudiret ekendigin sanalaryna sińirip óspeı me?!
