Aımaqtar • 13 Tamyz, 2019

Qostanaı oblysynda astyq jınaý bastalyp ketti

226 ret

kórsetildi

1 mın

oqý úshin

Naýqan ótken jyldarǵa qaraǵanda tym erte bastaldy. Bıylǵy qýańshylyq naýqannyń erte bastalýyna da, qıyndyǵyna da, gektar túsiminiń tómendigine de sebep bolyp otyr. Bul jóninde oblys ákimi Arhımed Muhambetovtyń aýdan ákimderimen beınebaılanys arqyly ótkizgen májilisinde aıtyldy. Qamysty aýdanyndaǵy «Altynsarıno» sharýashylyǵynyń jetekshisi, Qazaqstannyń Eńbek Eri Borıs Knıazev bıyl ystyqtan kúıip ketken astyq alqaptaryna amalsyz oraq salǵanyn, alqap túsimi 3 sentnerden aınalǵanyn aıtty.

Názıra JÁRIMBET

Qostanaı oblysynda astyq jınaý bastalyp ketti

«Qalaı bolǵanda da astyqty jınap alamyz, satýǵa jaramaǵany maldyń jemine jarar» dedi Borıs Pavlovıch.

Oblys basshysy bıylǵy qýańshylyqtan zardap shekken ońtústik aýdandarǵa qaraǵanda jaǵdaıy birshama táýir soltústik aýdandarda tuqym oblystan syrt jerlerge ketip qalmaý úshin onyń bólek, arnaıy balansyn jasaý kerektigin tapsyrdy. Tuqymdyq bıdaıdyń qalaı bolaryna aýyl sharýashylyq taýarlaryn óndirýshilerdiń barlyǵy da alańdaýly.

Sonymen qatar májiliste mal azyǵyn daıyndaýdyń qıyndyǵy da aıtyldy. Barlyq aýdandarda, ásirese, ońtústik aýdandarda shóptiń túsimi mardymsyz. Bul jóninde de oblys ákimi ákimderge barlyq múmkindikterdi qarastyrýdy tapsyrdy. Tipti bıyl tehnıka alýdy da ýaqytsha ysyryp qoıyp, barlyq qarajat-múmkindiktern aldaǵy qysqa daıyndyqqa, mal basyn qystan aman alyp shyǵýǵa baǵyttaý kerektigin aıtty.

Qostanaı