Atalmysh jobanyń basty maqsaty óskeleń urpaqtyń aldynan keń jol ashyp, shetel tilderin keńinen nasıhattaý. Kýrsta balalar tildik daǵdylarǵa óte qyzyǵýshylyq tanytyp, til úırenýge umtylyp otyr. Zeıindi balalar birneshe sabaqtan soń til syndyryp, negizgi sóılemderdi aıta alady.
Balalarmen jumys isteý, olardyń balań qııaldaryn ushtaý óte qyzǵylyqty. Oqytýshy Aına Jumabaeva bala janyn baýraıtyn, qyzyqtyra biletin kásibı tásil daıyndady. Ol tásil sabaqta oqyǵan sózderge baılanysty ártúrli sýretter salý. Oqytýshynyń oıynsha, osyndaı tásil arqyly balalar til úırenýdi tezirek ıgeretin bolady. Oǵan qosa, balalar shetel tilderindegi áralýan ánderdi tyńdaıdy. Án tyńdaý da balalardyń qabyldaý qabiletin jetildire túspek.
