Syrtqy saıası basymdyqtar
Seısenbi, 11 maýsym 2013 2:12
Keshe Syrtqy ister mınıstrliginde 29 mamyrda Astana qalasynda ótken memleket basshylary deńgeıindegi Joǵary Eýrazııalyq ekonomıkalyq keńesi otyrysynyń qorytyndysyna arnalǵan dóńgelek ústel ótti.
Is-sharany Syrtqy ister, Ekonomıka jáne bıýdjettik josparlaý mınıstrlikteri uıymdastyrdy. Dóńgelek ústel jumysyna Premer-Mınıstrdiń orynbasary Qaırat Kelimbetov, Syrtqy ister mınıstri Erlan Ydyrysov, elimizde akkredıttelgen dıplomatııalyq mıssııa basshylary men halyqaralyq uıymdardyń ókilderi, sondaı-aq múddeli mınıstrlikter men vedomstvolar basshylary, «Atameken Odaǵy» ulttyq ekonomıkalyq palatasynyń ókilderi qatysty.
Seısenbi, 11 maýsym 2013 2:12
Keshe Syrtqy ister mınıstrliginde 29 mamyrda Astana qalasynda ótken memleket basshylary deńgeıindegi Joǵary Eýrazııalyq ekonomıkalyq keńesi otyrysynyń qorytyndysyna arnalǵan dóńgelek ústel ótti.
Is-sharany Syrtqy ister, Ekonomıka jáne bıýdjettik josparlaý mınıstrlikteri uıymdastyrdy. Dóńgelek ústel jumysyna Premer-Mınıstrdiń orynbasary Qaırat Kelimbetov, Syrtqy ister mınıstri Erlan Ydyrysov, elimizde akkredıttelgen dıplomatııalyq mıssııa basshylary men halyqaralyq uıymdardyń ókilderi, sondaı-aq múddeli mınıstrlikter men vedomstvolar basshylary, «Atameken Odaǵy» ulttyq ekonomıkalyq palatasynyń ókilderi qatysty.
Otyrysty ashqan E.Ydyrysov eýrazııalyq ıntegrasııalyq úderistiń máseleleri elimizben birge shet elderdiń de joǵary qyzyǵýshylyǵyna ıe ekendigin, sondaı-aq sarapshylar men baqylaýshylardyń ártúrli pikir bildirýi men ıntegrasııalyq úderisterdiń damýyna bergen baǵalaryn atap ótti. «Osyǵan baılanysty, maqsatymyzdy aıtyp, kózqarasymyzdy bildirý mańyzdy dep sanaımyz. Sondyqtan «birinshi derekkózinen» aqparat alýǵa múmkindik bergen jón», dedi Syrtqy ister mınıstri.
Q. Kelimbetov jınalǵan qaýymǵa eýrazııalyq keńistiktegi ıntegrasııa máseleleri jónindegi jumystardyń nátıjeleri týraly áńgimeledi. Ol Keden odaǵynyń jumysy men Birtutas ekonomıkalyq keńistiktiń qurylýy, sondaı-aq taıaý bolashaqta Eýrazııalyq ekonomıkalyq odaqtyń qurylýy elimizdiń syrtqy saıasatyndaǵy basty basymdyqtar, dep atap kórsetti.
Astana qalasynda ótken memleket basshylary deńgeıindegi Joǵary Eýrazııalyq ekonomıkalyq keńes otyrysynyń qorytyndysynan keıin memleket úkimetterine naqty tapsyrmalar berildi, dep atap ótti Premer-Mınıstrdiń orynbasary. Úkimetterdiń jumysynyń basty maqsaty – ár eldiń naqty júıemen ekonomıkalyq damýyna jaǵdaı týǵyzý. Sóıtip, elderdiń ál-aýqatyn jáne seriktestik básekelestigin arttyrý mańyzdy ekendigine toqtaldy.
Jıyn sońynda Qaırat Kelimbetov dıplomatııalyq korpýs ókilderi tarapynan qoıylǵan suraqtarǵa tolymdy jaýaptar qaıyrdy.
Nurbaı ELMURATOV,
«Egemen Qazaqstan».
