Mundaǵy kózdelgen meje – sý aıdyndaryn zańsyz balyq aýlaý quraldarynan, sondaı-aq basqa da qaldyqtardan tazartyp, kúnnen-kúnge lastanyp bara jatqan ózen-kólderdiń máselesine qoǵam nazaryn aýdartý, el turǵyndarynyń ekologııalyq mádenıetin qalyptastyrý. Aksııaǵa elimizdiń ár óńirinde
5 100-den asa memlekettik organdardyń, qoǵamdyq uıymdardyń, ekologııalyq birlestikterdiń ujymdary jáne eriktiler qatysty.
Mınıstrliktiń aqparatyna sáıkes 61 685 gektar aýdandy qamtyǵan ózen-kólderdi tazartý úshin 431 sý kólik tehnıkasy jáne arnaıy súńgýirler jumyldyryldy. Osyǵan baılanysty vedomstvo basshysy áleýmettik jelidegi akkaýntynda atalǵan sharaǵa qatysqan azamattarǵa alǵysyn bildirip, bul is bir naýqanmen aıaqtalmaıtynyn jetkizdi.
«Senbilik jasaý qazaqstandyqtar úshin dəstúrge aınalýda. Búgin 79 sý qoımasynan 95 shaqyrymdy quraıtyn aý men 121 tonna qoqys jınaldy. 5000-ǵa jýyq adam bul kúndi taza ekologııany qalyptastyrýǵa, balyqtardy, sýda júzetin qustardy qutqarýǵa, ózenderdiń tazalyǵyn saqtaý jolyndaǵy kúreske arnady. Nur-Sultan qalasynda ótken «Aýlardan taza sý aıdyny» aksııasy aıasynda Nura ózeninen 250 metr zańsyz qurylǵan sıntetıkalyq aý men 4 tonnaǵa jýyq turmystyq qoqys jınaldy. Atap ótý kerek, dál qazir búkil aımaqtar boıynsha 79 kól tazalanýda. Oǵan myńdaǵan adam qatysyp jatyr. Barshańyzǵa myń alǵys!», dedi óz jazbasynda Ekologııa, geologııa jáne tabıǵı resýrstar mınıstri Maǵzum Myrzaǵalıev.
Al Ekologııa, geologııa jáne tabıǵı resýrstar mınıstriniń orynbasary Erlan Nysanbaev, tek mamyr aıynyń ózinde eldegi sý qoımalarynan 395 shaqyrym qytaılyq balyq aýlaý torlary tabylǵanyn aıtty. Osy olqylyqty retteý úshin mınıstrlik atalǵan tordyń Qazaqstanda paıdalanylýyna tyıym salǵan eken.
